Бизнис

Се модернизира инфраструктурата на Коридорот 10

Според министерот за транспорт и врски, Александар Николоски, иницијативата е веќе прифатена од некои негови колеги од земјите по должината на овој паневропски коридор, а со други ќе се преговара во следниот период.

Македонија иницира потпишување на договор за соработка меѓу државите на Коридор 10 за развој на патната и на железничката мрежа, зелената транзиција и електропреносната мрежа бидејќи ќе биде од корист за сите. Според министерот за транспорт и врски, Александар Николоски, иницијативата е веќе прифатена од некои негови колеги од земјите по должината на овој паневропски коридор, а со други ќе се преговара во следниот период.

  • Целиот проект има смисла доколку инвестираат сите држави кои се дел од Коридорот 10. Во моментов постои брза пруга од Атина до Солун, она што недостасува е Солун – Гевгелија – Скопје – Ниш. Пругата Белград – Будимпешта беше пуштена во функција во ноември, додека линијата Будимпешта – Братислава постои. На пругата Будимпешта – Виена во моментов се работи и она што се согласивме е да потпишеме петпартитен договор меѓу нас, државите на Коридор 10, не само за железницата туку и во делот на автопат и зелена транзиција и во делот на електропреносната мрежа – истакна вицепремиерот Николоски.

Тој најави дека Македонија е веќе влезена во фаза на постапки за брзата пруга, следен чекор е потпишување на договорот со државната компанија „Кросреил” од Велика Британија.

  • Го овластивме директорот на „Македонски железници – Инфраструктура“ да  потпише договорот со „Кросреил”. Значајно е тоа што „Кросреил” е во целосна сопственост на Министерството за транспорт на Велика Британија. Таа е компанија која ја изгради првата целосно дигитализирана метролинија во Лондон. Тие ќе го пренесат своето знаење и искуство кон вработените во Македонски железници и ќе бидат контактна точка со сите владини институции. Ова е прв чекор во нашата идеја за брза пруга. Во разговори сме со сите соодветни институции кои се поврзани за изградба и веќе следната година ќе градиме на терен – нагласи Николоски.

Најнови вести од: Бизнис

Маск: Работата ќе стане хоби, ВИ ќе ги замени сите работни места

Американскиот претприемач и најбогат човек во светот, Елон Маск, денес на својата социјална мрежа X изјави дека вештачката интелигенција (ВИ) и роботите на крајот ќе ги заменат сите работни места, правејќи ја работата прашање на личен избор, а не неопходност.

Препукувања во М-НАВ: Кој е во право за штрајкот на 20-ти октомври?!

Претседателот на ССКЛ, Александар Тасевски, изјави дека Синдикатот има целосно право да организира штрајк, добиено со овластување од гранковиот синдикат, а целата постапка е спроведена регуларно, за што рече дека постои и соодветна документација.

АЛТА Банка со над 93% од акциите на Стопанска Банка АД Битола

Заедно со претходните акции кои ги поседувала АЛТА Банка, сега таа е сопственик на над 93 проценти од издадените акции, или поточно 93,2571 отсто од вкупниот број на акции. АЛТА Банка е сопственик на 364.614 обични акции од вкупно 390.977 обични акции издадени од Стопанска банка Битола.

Живот на кредит – за што најмногу се задолжуваат граѓаните на Македонија?!

Вкупните депозити, на годишно ниво, во септември бележат раст од 13,2%, и се должи на растот на депозитите на двата сектора, којшто е поизразен кај секторот „домаќинства“. Вкупните кредити, пак, имаат раст од 13,5%, и во поголем дел произлегува од зголемените кредити на корпоративниот сектор, при раст и на кредитирањето на секторот „домаќинства“, соопшти Народната банка.

Замрзнат имот во Србија и Македонија на осомничен за злоупотреби во „РЕК Битола“

Основното јавно обвинителство Битола, преку Канцеларијата за поврат на имот во државното Јавно обвинителство, упати итно барање до надлежните органи на Србија за замрзнување имот – 10 нови товарни и приклучни возила набавени во 2025 за правно лице со седиште во Белград за кое е утврдено дека има сопственичка поврзаност со битолскиот бизнисмен Борче Марковски, кој е осомничен и е во притвор за злоупотреби во РЕК „Битола“ со јавни тендери, поврзано со истрагата од 9 октомври годинава.

Македонскиот работник е попродуктивен европскиот, ама за 1/3 од неговата плата

На Македонија ќе и биде потребен половина век за да го достигне животниот стандард на Европската унија. Здружението ЗМАИ нотира неповолно рангирање во образованието и животната средина. Платата треба да расте заедно со продуктивноста, која кај македонскиот работник е поголема од онаа на европскиот.

Најнови вести

To top