Бизнис

Се работи на спојувањето на Коридорот 10 со коридорот Струма во Бугарија

Николоски истакна дека Јавното претпријатие за државни патишта веќе ја финализираше постапката за проектирање на едната траса од експресниот пат што ќе го поврзе Коридор 10 со Коридор Струма во Бугарија. Оваа делница ќе ги опфати Смоквица, Валандово, Струмица, Ново Село и границата со Бугарија.

2 минути за читање

Вицепремиерот и министер за транспорт, Александар Николоски, беше во работна посета на Општина Струмица, каде што присуствуваше на Свечената седница по повод Денот на заштитниците на градот – Светите Петнаесет Тивериополски свештеномаченици. При средбата со градоначалникот на Струмица, министерот истакна дека се работи на реализација на најголемото ветување – поврзувањето на Коридор 10 со Коридор Струма во Република Бугарија.

  • „Би сакал да спомнам дека по завршување на локалните избори во интензивна соработка сме со градоначалникот и новата општинска администрација, веќе бројни работи се придвижуваат. Најголемата и она што го ветивме е поврзување на Коридор 10 со Коридор Струма во соседна Бугарија, односно изградбата на експресниот пат кој што оди од Смоквица преку Валандово, Струмица, Ново Село и граница со Бугарија“, изјави Николоски.

Тој информираше дека Јавното претпријатие за државни патишта (ЈПДП) веќе го заврши проектот за едната траса од експресниот пат. Проектот за втората траса е во напредна фаза, а Владата сериозно работи на изнаоѓање на финансирање за целосната реализација на проектот.

Николоски нагласи дека Владата планира поддршка за вкупно 14 инфраструктурни проекти во Општина Струмица.

  • „Има 14 големи проекти за старт на оваа локална самоуправа што мислам дека е нешто што Струмица подолго време го нема и ќе продолжи поддршката на Владата, мојата лична поддршка и на премиерот да работиме на нови проекти во периодот кој што следи“, истакна вицепремиерот.

Меѓу овие проекти, се работи на две поголеми улици, десет се во постапка за избор на изведувач, а два се реализираат преку Министерството за животна средина. Николоски најави и нов, посериозен работен состанок со градоначалникот за утврдување на идните приоритети.

Поврзани теми:

градба|топ|автопат|Транспорт|Патишта

Повеќе на оваа тема:

Најнови вести од: Бизнис

(Фото): Божиновска со серија средби со амбасадори за иднината на енергетиката во Македонија

Во рамките на средбите министерката Божиновска разговараше со австрискиот амбасадор Мартин Памер, при што беа разменети мислења за енергетските политики, енергетската транзиција и можностите за австриски инвестиции и експертска поддршка во развојот на одржливи енергетски проекти.

Како да се намали сметката за струја за дури 40%?!

За многу компании, промената на снабдувачот со електрична енергија и изборот на партнер како ЕДС претставува еден од наједноставните чекори кон поефикасно управување со трошоците – без ризик, без прекин во работењето и со јасна слика за потенцијалните придобивки.

Македонските превозници се повлекуваат од блокадите на граничните терминали

„Макам-транс“ во објава на Фејсбук наведе дека се повлекуваат од блокадите, бидејќи со одлуката на ЕУ е добиена потврдата која ја очекувале за промени и се заблагодари на сите кои, како што велат,  неуморно во изминатите денови ја дадоа својата поддршка и солидарност со блокадата на граничните премини.

Нема да дозволам да ми e извалкано името, истакна Бислимоски по обвинувањата кон него

Од Регулаторната комисија за енергетика, водни услуги и услуги за управување со комунален отпад велат дека во постапката за одземање лиценца на „Тритерол петрол“ ДООЕЛ Скопје е постапено согласно Законот за енергетика и Правилникот за лиценци.

Се наѕира ли крај на проблемите со превозниците од Западен Балкан?!

Според проценките, поради проблемите со режимот на престој на професионалните возачи, економската штета за европската економија се мери до 100 милиони евра дневно, што очигледно стана неодржливо за самите членки на ЕУ.

Бошков: Дополнителните 100 евра раст без олеснети давачки за социјалните придонеси, би биле голем товар за стопанството

Треба да разговараат отворено, да ги објаснат состојбите, бидејќи исклучиво професиналците во одредени сектори  и  одредени политики ќе можат  да ги кажат состојбите врз основа на искуството, врз основа на довербата и врз основа на нивното професионално знаење, вели Бошков од Бизнис конфедерацијата на Македонија, во која преку здружени асоцијации членуваат околу 8 000 компании, најголемиот дел микро и мали.

ССМ ги повика сите на протест за платите, премиерот одговори: Секој има право да протестира

Овој протест е за твојата плата, затоа што истата не стигнува од први до први, рече претседателот на Сојузот на синдикатите на Македонија Слободан Трендафилот, најавувајќи го протестот на 28 јануари. Од Синдикатот бараат минималната плата да биде 600 евра и зголемување на работничките плати за најмалку 6.000 денари.

Европската комисија е свесна за проблемот на балканските камионџии, но дали ќе делува?!

Европската Унија ја следи ситуацијата со блокадите на транспортерите и е во контакт со партнерите од западен Балкан, но правилата за системот на влез и излез се веќе познати – велат од Европската Комисија.
Сите вести од Бизнис

Најнови вести

To top