Бизнис

(Видео): УЈП изготви водич за пријавување и одданочување на доходи остварени од странство

Обврска за пријавување на доходот имаа сите физички лица кои оствариле приливи од странство по основ на доход од работа (плата, хонорари, интелектуални услуги, фриленс), доход од закуп (вклучително и преку платформи како Airbnb и Booking.com), капитални добивки (продажба на имот, криптовалути, хартии од вредност и др.), доход од капитал (дивиденди, камати, други финансиски приходи), авторски права, добивки од игри на среќа, и друг вид доход.

1 минута за читање

Управата за јавни приходи изготви водич за пријавување и одданочување на доходи остварени од странство. Согласно Законот за данок на личен доход, физичките лица, резиденти на државата, кои остваруваат доход од странство имаат обврска да го пријават преку системот е-Даночни услуги.

  • Обврска за пријавување на доходот имаа сите физички лица кои оствариле приливи од странство по основ на доход од работа (плата, хонорари, интелектуални услуги, фриленс), доход од закуп (вклучително и преку платформи како Airbnb и Booking.com), капитални добивки (продажба на имот, криптовалути, хартии од вредност и др.), доход од капитал (дивиденди, камати, други финансиски приходи), авторски права, добивки од игри на среќа, и друг вид доход – се посочува во објавата на УЈП.

Додаваат дека приливи од странство кои не подлежат на оданочување се приливите добиени по основ на подарок, семејна поддршка, позајмица или трансфери преку Western Union, Ria, Moneygram и слични сервиси.

Практичното упатство за начинот на пополнување и плаќање на пресметката може да се види преку следнoто видео.

Поврзани теми:

туристи|данок|пријавување|гости|апартмани|Букинг|топ|УЈП

Повеќе на оваа тема:

Најнови вести од: Бизнис

Кога ќе им се вратат парите на компаниите од солидарниот данок?!

Добар дел од компаниите се согласија враќањето на солидарниот данок да биде на две рати, тоа е март 2026 и март 2027. Обрасците се подготвени, спремни, Управата за јавни приходи во најкраток рок сето тоа треба да го објави на нивната страна, така што очекуваме, еве го март, за отприлика некаде два месеци првиот дел или првата половина од износот на солидарниот данок компаниите да го добијат назад, велат од Владата.

Храната и пијалоците поевтинуваат, велат надлежните – граѓаните реагираат: Секој ден има нови повисоки цени

Министерството за економија и труд засега не гледа причина да реагира во однос на цените на храната затоа што во декември цените биле намалени за 0,4 проценти. Доколку има енормно зголемување на цените, вели министерот за економија Бесар Дурмиши, ќе реагираат и ќе се преземат мерки.

(Видео): Македонија се задолжи милијарда евра преку нова еврообврзница

Голем интерес што се вреднува со износ од над четири милијарди евра пројавија меѓународните инвеститори за десеттата еврообврзница емитувана во две транши по 500 милиони евра што ја издаде Министерството за финансии. Eврообврзницата е согласно со напорите на Министерството за финансии за адекватно управување со јавниот долг и да се одржи стабилноста на јавните финансии на среден и на долг рок. Државата стана првата земја во регионот и прва земја надвор од Европската Унија што излегува на меѓународниот пазар на капитал, што сведочи за довербата во напорите на Министерството за финансии, особено имајќи го предвид износот на задолжувањето.

Ја изгуби ли конкурентската способност македонскиот текстил?!

Од текстилна индустрија сметаат дека е потребна помош од страна на државата за секторот кој е на стаклени нозе. Свесни се дека државата не може да помогне во делот на субвенционирањето на придонесите на работниците, но како барање до Владата и на Економскиот-социјалниот совет ќе биде презентирано повторно да се врати пазарот на девизи.

Државата ги продаде акциите на Сашо Мијалков во Алта банка

Од октомври Алта банка од Србија е новиот сопственик на Стопанска банка Битола. Понудата ја прифатија 262 акционери. Тие продадоа вкупно 344.420 хартии од вредност, што претставува 88,09 отсто од акционерскиот капитал. Банката од Белград понуди по 3.777 денари за акција издадена од Стопанска банка Битола. Потребно беше да се продадат најмалку 273.795 акции, односно 70,03 отсто од вкупно издадените 371.538 обични акции со право на глас.

Скапуваат стотици хектари во ТИРЗ, милионски инвестиции без економска оправданост

Слабости во планирањето и реализацијата на капиталните инвестиции, недоволна искористеност на технолошко-индустриските развојни зони и финансиски и правни ризици по буџетските средства, утврди ДЗР во најновиот извештај за работењето на Дирекцијата за технолошки индустриски развојни зони за 2024. Ревизорите констатирале дека 287 хектари од вкупната корисна површина на ТИРЗ и индустриските зони не се функционално искористени, односно не се дадени под закуп. Дополнително, седум од вкупно 16 ТИРЗ зони, со површина од 203,5 хектари, како и една индустриска зона од 3,2 хектари, воопшто не се ставени во функција, иако во нив со години се вложувале јавни финансии.

(Видео): Владата предлага ново задолжување од 20 милиони евра без информации за каматата, обвини Лукаревска

Владата тврди дека нема средства за зголемување на платите, за воведување минимална плата од 600 евра или за нови мерки за поддршка на животниот стандард, додека од друга страна продолжува со, како што рече, високи јавни трошоци и милионски тендери, обвини Лукаревска и посочи дека, според нејзините тврдења, во државната каса недостигаат околу една милијарда евра, а таа разлика се покрива со нови задолжувања кои ќе ги отплаќаат идните генерации.

Јајцата поевтинија, но што ќе биде со цената на лебот?!

Се стабилизираат состојбите на пазарот за јајца во Европа што резултираше со намалени цени на јајцата и во нашата земја, изјави заменик министерот за економија и труд Марјан Ристески по забележителниот пад на цената на јајцата на домашниот пазар во просек за 40-тина денари. Падот на цената во некои маркети беше забележан и пред Нова година, а денеска и на повеќето продажни места.
Сите вести од Бизнис

Најнови вести

To top