Хроника

Малолетник се обидел да го убие татка си во скопско

Јавен обвинител од Основното јавно обвинителство Скопје поднесе барање за започнување подготвителна постапка против 17-годишен малолетник

1 минута за читање

Јавен обвинител од Основното јавно обвинителство Скопје поднесе барање за започнување подготвителна постапка против 17-годишен малолетник, осомничен за кривично дело – Убиство во обид, според член 123 став 2 точка 2 во врска со член 19 од Кривичниот законик.

Според информациите од обвинителството, малолетникот сторил семејно насилство во својот дом на улицата „Христијан Тодоровски Карпош“ во Скопје, обидувајќи се со умисла да го убие својот татко.

Додека таткото престојувал во спалната соба, малолетникот го нападнал одзади и со остар предмет му задал 10 убодни рани. Мајката, која била во близина, успеала да го спречи детето и веднаш повикала итна медицинска помош.

Таткото бил итно пренесен во Клиничкиот центар „Мајка Тереза“, каде му била извршена операција, но неговата состојба останува критична и животно загрозувачка.

Заедно со барањето за подготвителна постапка, обвинителот предложил изрекување мерка притвор за малолетникот, согласно одредбите од Законот за правда за децата

Поврзани теми:

обид за убиство|избор|напад нож|напад

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top