Македонската државјанка што се обиде да изнесе од Бугарија 89.000 евра скриени под нејзината облека е осудена од Окружниот суд во Ќустендил на три месеца затвор условно ако во следните три години го повтори делото на бугарскиот дел од границата со Македонија на граничниот премин Ѓуешево.
Четириесетгодишната жена со иницијали Х.Т. ја призна вината дека на 29 август не ги пријавила на цариниците парите врзани со селотејп, а покрај условната затворска казна е осудена и на одземање на една петтина од недекларираната сума или 34.814 лева (околу 17.400 евра).
Пресудата е конечна и осудената нема право на жалба.