Од вкупно 16 лица лишени од слобода поради безобѕирно управување моторно возило во изминатото деноноќие на целата територија на државата, дури 11 немале возачка дозвола!
Други двајца возеле и покрај тоа што имале активна забрана, а уште тројца управувале возило под дејство на алкохол, соопшти Министерството за внатрешни работи.
Од 11-мина без возачка зад воланот, петмина се затекнати во Скопје и по еден во гостиварско, Македонски Брод, Градско, Росоман, Велес и Чашка.
По едно лице во Кавадарци и во Демир Хисар управувале возило и покрај тоа што имале активна забрана, а по еден возач во Неготино, Свети Николе и на граничниот премин Блато возеле пијани.
По целосно документирање на случаите ќе бидат поднесени соодветни кривични пријави.