Барања, закани и предупредувања на протестот на студентите-Албанци: Држава што не ги спроведува правата не може да постои! – За албанскиот јазик не се преговара!
Во Скопје денеска се одржа студентски протестен марш, на кој студентите-Албанци протестираа, поради, како што тврдеа, „неспроведување на Законот за употреба на јазиците при полагањето на правосудниот испит“. Маршот започна од плоштадот „Карпошово востание“, продолжи преку Камениот мост и заврши пред Министерството за правда, каде што беше побарана оставка на ресорниот министер Игор Филков. Информативната агенција Нетпрес извести дека со албански и американски знамиња, како и со транспаренти „Стоп за институционалната дискриминација“, студентите протестираа, барајќи правосудниот испит да може да се полага и на албански јазик. Не беше видено македонско знаме, знамето на државата Македонија, во чиј главен град Скопје се протестираше и се бараше односната употреба на албанскиот јазик.