Македонија

Наталитетот во Македонија опаднал за 31% во текот на една деценија

За разлика од повеќето општини во земјата, во Арачиново, Сарај, Студеничани, Чаир и Шуто Оризари е забележан поголем број на родени отколку на починати

 

Во 60 од вкупно 80 општини во Македонија, минатата година е забележан поголем број на починати отколку на родени. Податоците од Државниот завод за статистика покажуваат дека во земјата се родени 15.850 деца, додека починале 20.287 лица. Бројот на починати бил за 4.437 поголем од бројот на родени.

За разлика од повеќето општини во земјата, во Арачиново, Сарај, Студеничани, Чаир и Шуто Оризари е забележан поголем број на родени отколку на починати.

Во однос на позитивниот демографски раст, Арачиново е на чело со најголема разлика помеѓу бројот на родени и починати. Минатата година во Арачиново се евидентирани 240 раѓања и 64 смртни случаи – што претставува вишок од 176 раѓања во однос на смртните случаи.

Позитивен биланс е забележан и во Сарај и Студеничани, каде што во секоја од овие општини имало по 297 раѓања повеќе од смртни случаи, додека во Чаир разликата изнесува 274. Во Шуто Оризари се забележани 155 раѓања повеќе од смртни случаи. Општини со поголем број на родени отколку на починати

Арачиново | +176 | +13,2%
Студеничани | +297 | +12,9%
Сарај | +297 | +7,5%
Зелениково | +25 | +7,3%
Шуто Оризари | +155 | +5,9%
Чучер-Сандево | +41 | +4,4%
Чаир | +274 | +4,3%
Ликово | +90 | +3,9%
Сопиште | +23 | +3,4%
Чашка | +21 | +2,6%

Ситуацијата во однос на падот на наталитетот е најзагрижувачка во малите општини.

Во Берово, минатата година се евидентирани 47 раѓања, наспроти 174 смртни случаи.
Во Дебрца се родени само 15 деца, додека починале 61 лице.
Слична е состојбата и во Лозово, каде се забележани само 8 раѓања, наспроти 35 смртни случаи.

За споредба, на национално ниво, бројот на живородени деца е намален од 23.075 во 2015 година на 15.850 во 2025 година.

Ова претставува пад од приближно 31,3% во текот на една деценија, односно над 7.200 раѓања помалку годишно. / Alsat.mk

Најнови вести од: Македонија

Во пресрет на CES 2027, најновите производи на „Samsung“ препознаени од Асоцијацијата за потрошувачка технологија

Компанијата освои CES® 2027 награди за иновации за своите мобилни уреди, уреди за домашна забава, апарати за домаќинство и полуспроводници.
Galaxy Z Fold8 Ultra и Z Fold8 прогласени за “Најдобра иновација” во категоријата мобилни уреди на CES наградите за иновации

Почина професор д-р Никола Петров, творецот на „Росица“, „Другарче“ и „Наш свет“

Тој се смета за основоположник на македонската предучилишна педагогија, а генерации ученици во Македонија израснаа со списанијата за деца што ги покрена професорот и поранешен декан на Педагошкиот факултет

To top