Македонија

(Фото): Меморандуми за соработка со високообразовни институции за поддршка на општините

Меморандумите имаат за цел да ја поврзат академската експертиза и научно-истражувачкиот потенцијал со реалните потреби на општините, преку заедничко делување во областите што се од надлежност на општините.

2 минути за читање

Министерот за локална самоуправа, Златко Перински, потпиша Меморандуми за соработка со шест високообразовни институции, со што се воспоставува нова рамка за институционална соработка меѓу Министерството и академската заедница. Кон крајот на минатата година, Министерството потпиша Меморандум за соработка со Универзитетот „Св. Кирил и Методиј“ во Скопје, со чии професори и академски кадар веќе е воспоставена соработка.

Меморандумите имаат за цел да ја поврзат академската експертиза и научно-истражувачкиот потенцијал со реалните потреби на општините, преку заедничко делување во областите што се од надлежност на општините.

  • „Потпишувањето на Меморандумите за соработка поттикнуваат заедничко делување во областите што се во фокус на  Ресурсниот центар за поддршка на општините и претставуваат значаен чекор во насока на јакнење на капацитетите на општините“, изјави министерот Перински.

Меморандуми за соработка беа потпишани со Универзитет „Гоце Делчев“ – Штип, претставуван од ректорот проф. д-р Дејан Мираковски, Универзитет за информатички науки и технологии „Св. Апостол Павле“, претставуван од проректорот проф. д-р Атанас Христов, Универзитет „Св. Климент Охридски“ – Битола, претставуван од ректорот проф. д-р Игор Неделковски, Универзитет во Тетово, претставуван од ректорот проф. д-р Јусуф Зејнели, Универзитет „Мајка Тереза“ – Скопје, претставуван од ректорот проф. д-р Беким Фетаји и Универзитет на Југоисточна Европа во Тетово, претставуван од ректорот проф. д-р Садудин Ибраими.

Преку оваа иницијатива ќе се поттикне експертска поддршка за општините, во насока на унапредување на локалниот развој и подобрување на услугите што ги добиваат граѓаните.

Поврзани теми:

општини|Златко Перински|економска соработка|Меморандуми

Повеќе на оваа тема:

Најнови вести од: Македонија

Македонија меѓу првите во регионот ќе добие пристап до „роаминг како дома“ во ЕУ

Министерот за дигитална трансформација Стефан Андоновски очекува Македонија да биде меѓу првите држави на која ќе и биде овозможен роаминг без дополнителни трошоци во ЕУ. Добри вести очекува на Самитот ЕУ-Западен Балкан којшто ќе се одржи на почетокот на јуни во Подгорица. Смета дека ќе биде меѓу првите држави со кои Европската Унија ќе потпише договор за т.н. роаминг како дома.

Злоупотреба на паркинг- системот на Зелено пазарче: „Еден плаќа, тројца излегуваат“!

Снимка од паркингот кај Зелено пазарче во Скопје открива злоупотреба на системот за наплата, при што повеќе возила излегуваат со една платена картица, оставајќи ги оние што плаќаат – без место за паркирање. Револтиран жител кој го снимил случајот вели дека проблемот е сериозен и секојдневен, а последиците директно ги чувствуваат граѓаните кои редовно плаќаат.

Страотна трагедија во Хрватска: македонски државјанин-возач на камион од Македонија изгоре во кабината! (Видео)

Возач од Македонија настрада во тешка сообраќајна несреќа што се случи во вторникот околу пладне на автопатот Брегана-Загреб. Камионот што тој го управувал ја пробил заштитната ограда, удрил во далновод и се запалил, потврди Полициската управа Брод-Посавина. Според неофицијални информации што ги пренесуваат локални портали, возачот бил заробен во возилото и не успеал да излезе, по што починал. Според хрватските медиуми, станува збор за македонски државјанин.

Математичкиот гениј Македон дел од денешната расправа, посветена на улогата на вештачката интелигенција во образованието

Подигнување на свеста на општеството за значењето на знаењето и за значењето на наставниците е целта на последната панел-дискусија во рамките на кампањата „Магијата е во знаењето“ на тема „Училницата на иднината: вештачката интелигенција, знаењето и новата улога на наставникот“. Ова денеска го истакна министерката за образование и наука Весна Јаневска, која рече дека денешната тема е вештачката интелигенција (ВИ) и дека нивна цел како Влада и како Министерство за образование и наука е да ја воведат во секојдневниот живот на учениците и наставниците, но исклучително внимателно со користење на етичките принципи затоа што секоја нова технологија носи многу добри страни и ризици.

Кој го користи Вардар како контејнер за хемикалии?! Вчера непријатна миризба на хемиски агенси во Сарај, Ѓорче Петров и Карпош

Доцна вчера, во периодот од 21 до 0:30 часот во СВР Скопје, повеќе граѓани пријавиле дека во Скопје, покрај кеј на река Вардар, на подрачјата на Карпош, Ѓорче Петров и Сарај, во воздухот се чувствувала непријатна миризба на хемиски агенси.

Лимани: За предвремени избори сум и нема веќе да бидам дел од „Вреди“!

„Јас сум за предвремени избори и нема веќе да бидам дел од ‘Вреди’!“ – истакна денеска министерот за социјална политика, демографија и млади Фатмир Лимани, коментирајќи ја синоќешната фејсбук-објава „Со Фатмир Лимани сакавте војна, сега покажете колку вредите! Набргу ќе ви овозможам да се покажете“. Инаку, премиерот Христијан Мицкоски денеска изјави дека годинава нема да има предвремени избори, оти ова е реформска година и година на консолидирање. „Би сакал да има редовни парламентарни избори во 2028 година, но ВМРО-ДПМНЕ како партија, е подготвена, ако тие избори се одржат една година порано.“ – нагласи Мицкоски.
Сите вести од Македонија

Најнови вести

To top