8 училишта и градинки добиваат енергетски ефикасни системи за загревање, чист воздух за Ѓорче Петров – силна соработка за поздрава иднина објави градоначалникот на Општина Ѓорче Петров, Александар Стојкоски.
„Денес направивме значаен чекор напред, потпишавме Меморандум за соработка со UNOPS, заедно со г. Марко Вујачиќ (Marko Vujačić), Head of Programme – UNOPS South East Europe
Multi-Country Office,, во рамки на ЕУ-проектот „ЕУ за чист воздух“, со јасна цел – подобар квалитет на воздух и енергетски ефикасни јавни објекти
Проектот опфаќа нови 5 основни училишта и 3 детски градинки во нашата општина, каде што ќе се врши замена на старите системи за греење со современи топлински пумпи, енергетски ефикасни и еколошки системи.
Со овој проект ги опфаќаме сите објекти на основни училишта и дел од градинките, со што се позиционираме како лидери помеѓу општините.
намалено загадување
почиста животна средина
пониски енергетски трошоци
поздрави услови за нашите деца
Во партнерство со УНОПС и со поддршка од Европската Унија, продолжуваме одговорно, стратешки и долгорочно да инвестираме во Ѓорче Петров “ објави градоначалникот.
