Лидерот на ДУИ, Али Ахмети, изјави дека тие го освоиле мнозинството од гласовите на народот низ целата земја, и покрај тоа што не ја добиле градоначалничката трка
На прес конференцијата по затворање на гласачките места Ахмети рече дека ова е порака од граѓаните што тие ја прифаќаат.
„Го освоивме мнозинството од гласовите на народот низ целата земја, или поточно националниот глас на овие избори со над 23 илјади гласови повеќе. Но, не успеавме да ја добиеме трката за градоначалници. Ова е сложена порака што ја прифаќаме со почит и одговорност. Граѓаните покажаа дека веруваат во нашите вредности, во нашата визија, но во исто време бараат да го обновиме начинот на кој ги претставуваме овие вредности на терен“, рече Али Ахмети.