„Албанскиот премиер Еди Рама зазеде став со кој, во суштина, ја поддржува владата на ВМРО-ДПМНЕ кога станува збор за прашањето на Бугарите во С.Македонија, гледано низ призмата на членството на земјата во ЕУ. Засега, европскиот пат на Македонија е на чекање, бидејќи Скопје сè уште не сака официјално да ги признае Бугарите во македонскиот устав.“ – објави денеска попладнево бугарскиот информтивниот портал „Актуално“ во својата информација со наслов „Албанскиот премиер Еди Рама инсинуира дека Бугарија е терорист кон С.Македонија“.
Покрај другото, бугарскиот портал пишува: Рама зборуваше на конференцијата „Албанија: нови хоризонти“, што се одржа во Виена, во Австрија, посветена на промоција на неговата држава како пожелна дестинација за стратегиски инвестиции.
Целиот негов говор е објавен на официјалната веб-страница на албанската влада. И тој го кажа следново: „Се надевам дека другите земји, оти Бугарија ќе биде пофлексибилна со С.Македонија, за да им дозволи да преговараат. Бидејќи, има нешто многу лошо, многу лоша навика во Европската Унија да се земаат заложници. Ова е земање заложници, заради внатрешна политика. Заради внатрешна политика, една земја зема друга земја како како заложник. Се надевам дека С.Македонија ќе има нормален пат барем за преговорите, бидејќи нема никаква смисла земја во ЕУ да блокира преговори со земја, што сака да влезе во ЕУ, поради некои билатерални причини. Тоа може да биде многу легитимно, но тоа не е причина да ги блокираш преговорите. Ги оставаш преговорите да продолжат и кога одлуката за членство ќе дојде во последен момент тогаш можеш да кажеш? ‘Не, има нешто, што треба да се одлучи.’ Но, ова е многу лицемерно, лудо.“ – објави бугарскиот информативен портал „Актуално“.