Македонија

Бојковска: Со оставката на Коцевски падна и последниот бедем на СДС

„Менувањето на државниот јавен обвинител ќе биде чекор кон создавањето независно судство.“ – изјави пратеничката од ВМРО-ДПМНЕ Драгана Бојковска вчера во емисијата „Заспиј ако можеш“ на телевизија Алфа.

2 минути за читање

„Јас би ја оценила оваа оставка на државниот јавен обвинител како победа на граѓаните на Република Македонија, бидејќи беше нужно потребно да се случи час поскоро, бидејќи сведочевме на период во којшто имавме голема недоверба на судството, ова нека биде првиот чекор во којшто можеме да направиме една посериозна реформа.“ – нагласи пратеничката Бојковска и додаде:

„Најлесно за нас ќе беше уште од почетокот на доаѓањето на власт да бидеме исти како претходната влада, кога Заев во многу брз рок го промени државниот јавен обвинител и си постави негов, тоа ќе беше најлесно за ВМРО-ДПМНЕ, но покажавме една големина и оставивме доволен простор за Коцевски да го докаже спротивното, видовме дека немаме никакви реформи, со давањето на оставката на Коцевски падна последниот бедем на СДС“.

Бојковска посочи дека менувањето на државниот јавен обвинител ќе биде чекор кон создавањето на едно независно судство. „Менувањето на овој државен јавен обвинител нека биде чекор кон создавањето на едно независно судство, постапката за новиот државен јавен обвинител ќе биде многу транспарентна, секој еден којшто ќе ги исполнува квалификациите за државен јавен обвинител ќе има можност да биде сослушан. Час поскоро ни е потребно независно судство, а и во овие 16 месеци ние покажавме дека не должиме никому и секој што се огрешил пред законот ќе одговара“, посочи Драгана Бојковска од ВМРО ДПМНЕ.

Поврзани теми:

топ|актуелно|ВМРО-ДПМНЕ|Љупчо КОцевски|СДС

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top