Македонија

Борисов се пофали дека лично го изработил предлогот до Европскиот парламент за Македонија

Експремиерот на Бугарија стоел зад бришењето на „македонски јазик и идентитет“ во извештајот на ЕП

1 минута за читање

Одговарајќи на новинарски прашања, лидерот на ГЕРБ и поранешен премиер на Бугарија, Бојко Борисов, се пофали дека лично тој го изработил предлогот до Европскиот парламент, со кој беше избришана формулацијата „македонски јазик и идентитет“ од извештајот за напредокот на Македонија на патот кон Европската унија.

Пред две недели Европскиот парламент го измени предлог-извештајот подготвен од известувачот за Македонија, Томас Вајц од Австрија, кој претходно беше изгласан од Комитетот за надворешни односи со блокирањето на амандманите од бугарските европратеници од нивни колеги од партијата ФИДЕС на унгарскиот премиер Виктор Орбан.

Бришењето на „македонски јазик и идентитет“ на пленарната седница на Парламентот се случи по заеднички предлог од европратениците Анджеј Халицки од Европската народна партија (ЕПП), Кетлин ван Бремпт од Прогресивната алијанса на социјалистите и демократиите (СД) и Дан Барна од либералната група „Да ја обновиме Европа“ (РЕ).

Заменикот на Борисов во ГЕРБ, европратеникот Андреј Ковачев, е потпретседател на групата на ЕПП во Европскиот парламент.

Поврзани теми:

Европски парламент|извештај|Андреј Ковачев|Бојко Борисов|македонски јазик и идентитет|Македонија

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top