Македонија се соочува со демографска криза – населението забрзано старее, а земјата веќе се наоѓа во фаза на длабока демографска старост. Според експертите, сме влезени во период кога бројот на починати е поголем од бројот на новородени, што доведува до негативен природен прираст.
Средната возраст на населението во Македонија е 42,21 година, а во ЕУ е 44,9 години, покажуваат податоците на Евростат за 2025 година.
Од земјите во регионот помладо население од нас има само Црна Гора – 40,4 години, а постаро Албанија – 44,3 и Србија – 45,4 години. Средната возраст на Грците е 47,2, а на Бугарите 47,2 години. Во Хрватска и во Словенија средната возраст е 45,5 години.
Во ЕУ најмладо население има Ирска – 39,6 години, а најстаро Италија со просек од 49,1 година.
На ниво на ЕУ, средната возраст се зголемила за 2,1 години од 2015 година кога била 42,8 години. Зголемување се бележи во сите земји од ЕУ, освен во Германија и на Малта (-0,4 години).
Стареењето на населението е најизразено во Словачка и на Кипар, каде што средната вредност се зголемила за 4 години, по што следуваат Италија (+3,9 години), Грција и Полска (секоја +3,8 години) и Португалија (+3,7 години).