Македонија

Дијагностиката подостапна: ПЕТ центарот ќе работи и за викенди

Д-р Невена Маневска: Очекувано намалување на листите на чекање за пациентите

ПЕТ центарот ќе продолжи да работи и за време на викендите и празниците, почнувајќи од претстојниот продолжен викенд.

Целта на оваа одлука е да се намалат листите на чекање и пациентите побрзо да добијат пристап до потребната дијагностика.

Министерството за здравство, во соработка со ПЕТ центарот, информира дека работата за викенди ќе продолжи и во наредниот период, согласно утврдениот план.

Директорката на ПЕТ центарот, д-р Невена Маневска, изјави дека реорганизацијата има цел да го намали времето на чекање и да продолжи трендот на зголемување на бројот на достапни термини.

„Оваа реорганизација се спроведува за да ги намалиме листите на чекање.

Очекуваме да продолжи трендот што го воспоставивме во изминатите две години, кога двојно ги зголемивме термините“, изјави Маневска.

Таа упати благодарност до здравствените работници и соработниците кои придонесуваат за спроведување на оваа организација на работата.

Од Министерството посочуваат дека секојдневно се работи на подобрување на достапноста на здравствените услуги и на скратување на периодот што пациентите го поминуваат чекајќи дијагностички прегледи.

Најнови вести од: Македонија

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Јовановски: На негирањата на македонската историја ќе одговориме со научна храброст и смиреност

„Од национални приказни до испреплетени истории“ е насловот на дводневната меѓународна конференција што ја организира Институтот за историја при Филозофскиот факултет на УКИМ по повод 80 години од неговото основање. Програмата опфаќа неколку пленарни и тематски сесии посветени на историските процеси, националните наративи, културните и дипломатските односи, како и на современите пристапи во историските истражувања. Учесниците ќе се претстават со реферати за историјата на Македонија од средновековниот период до современата државност, за односите на Балканот, османлискиот период, светските војни и меѓународните историски влијанија.

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

To top