Македонија

Димитров контра Мицкоски: Делчев не се борел за самостојна држава, туку за автономија на неослободените земји претежно со Бугари

Копретседателот на Мешовитата комисија од бугарска страна со спротивно гледиште за револуционерот од македонскиот премиер

1 минута за читање

Ангел Димитров, копретседател од бугарска страна на Мешовитата комисија за историски и образовни прашања, не ја пропушти 154-годишнината од раѓањето на Гоце Делчев за апостолот на македонската револуционерна борба да го претстави како „еманација на бугарското ослободително движење во Македонија“.

„Гоце Делчев и ослободителните борби во Македонија и Одринско се неразделно и сеопфатно поврзани со нашето историско минато; тие се во сржта на бугарската национална целост“, вели Димитров во интервју за бугарската агенција БГНЕС, пред да изнесе тврдење за целта на борбата организирана од револуционерот и од историското ВМРО.

„Треба да се нагласи дека како идеолог се придржувал, во согласност со бугарската надворешна политика, до тезата за политичка автономија како многу реално политичко решение за културниот и економскиот развој на угнетеното население во овие области“, додава тој.

„Многу често се заборава дека тој не се борел за независна држава, туку за автономија на неослободените земји, некогаш населени со разновидно население, претежно Бугари“, вели Димитров во интервјуто за БГНЕС, дијаметрално спротивно гледиште од тоа на македонскиот премиер Христијан Мицкоски, кој на гробот на Делчев денеска изјави дека „неговата борба за независна македонска држава, за држава во срцето на Балканот, би ја нарекол епска“.

 

Поврзани теми:

актуелно|Гоце Делчев|БГНЕС|ангел Димитров

Повеќе на оваа тема:

Најнови вести од: Македонија

Собранието го усвои Законот за игри на среќа – 500 метри оддалеченост од училишта и строги правила за реклами

Со овој Закон е воведувањето задолжителна одалеченост од 500 метри помеѓу објектите на среќа и училиштата, како и регулирањето на давањето подароци, т.н „giveaway“ активности.

В среда последно збогум за Владо Јаневски

Јаневски беше првиот македонски претставник на Изборот за песна на Евровизија во 1998 година со песната „Не зори зоро“, а во текот на кариерата доби бројни признанија, меѓу кои и наградата за трајни музички вредности на годинашното издание на „Златна бубамара на популарноста“.

(Видео): Основната потрошувачка кошничка во Македонија е најевтина во Европа, рече премиерот

Премиерот Христијан Мицкоски изјави дека најновите податоци на Евростат, според кои основната потрошувачка кошничка во Македонија е најевтина во Европа, ги демантираат критиките дека државата не бележи напредок.

Сиљановска-Давкова-Будрис: Проширувањето на ЕУ ќе биде врвен приоритет за време на литванското претседавање со Советот на ЕУ

Претседателката на Република Македонија Гордана Сиљановска-Давкова денеска го прими министерот за надворешни работи на Република Литванија, Кестутис Будрис, кој е во официјална посета на државата.Соговорниците го поздравија отворањето на дипломатското претставништво на Литванија во Скопје, како и одлуката на македонската Влада за отворање амбасада во Вилнус, очекувајќи засилен политички дијалог, поголема економска и културна соработка, како и подобри севкупни односи меѓу двете држави.

Собранието го донесе Законот за игри на среќа и за забавни игри – да бидат оддалечени 500 метри од училиштата

Собранието денеска во рамки на 109. седница ги донесе одлуката за измена на Одлуката за одобрување на продолжување на рокот за постоење на кризна состојба на дел од територијата на Македонија, Законот за игрите на среќа и за забавните игри, а Христина Софронијоска беше избрана за нова заменичка на генералната секретарка на законодавниот дом. Законот за игрите на среќа и за забавните игри беше донесен со 60 „за“, а 20 „против“.

Ристовски: За две години реализирани и започнати 60 спортски проекти вредни над 21 милион евра – спортот повторно е национален приоритет

Министерот за спорт Борко Ристовски денеска на прес-конференција во Владата даде отчет за сработеното во изминатите две години од формирањето на Министерството за спорт, презентирајќи ги реализираните активности, капиталните инвестиции во спортската инфраструктура и проектите што ќе се реализираат во наредниот период. Toj истакна дека Министерството за спорт за само две години реализира и започна 60 спортски проекти, со вкупна вредност од повеќе од 21 милион евра, за разлика од претходната власт која за четири години реализираше само 33 спортски проекти и нагласи дека Владата повторно го поставува спортот меѓу националните приоритети.
Сите вести од Македонија

Најнови вести

To top