Доналд Трамп во четврток изјави дека ќе одлучи дали да започне воени напади против Иран „во следните две недели“.
Овој американски претседател сака да наметнува рокови од две недели во својата политика, тоа е омилената мерка за време на Трамп, пишува Њујорк тајмс
Пред три и пол недели, Трамп рече дека Русија има две недели да покаже дека е подготвена да ја заврши војната во Украина, во спротивно ќе ѝ бидат воведени нови економски санкции. Досега, тој не ја објавил својата одлука.
Пред една недела, тој исто така рече дека за околу две недели САД ќе испратат писма до своите трговски партнери информирајќи ги за новото ниво на царини.
И во мај, тој даде сличен рок од „две до три недели“ за утврдување на нови царини за увоз. Тој рок истече без да се преземат никакви мерки.
Во 2020 година, тој вети дека ќе презентира „целосен план за реформа на здравствената заштита“ во рок од две недели. Таквиот план никогаш не се материјализираше.
Понекогаш Трамп на крајот донесува одлуката, а одлуките за војна и мир се едни од најсудбоносните одлуки што може да ги донесе еден претседател.
Но, историјата покажува дека кога Трамп именува двонеделен рок, тој ретко го почитува, пишува Њуз.бг