Министерката за образование Весна Јаневска, најавува дека наставниците ќе дежураат во училишните ходници и дворови.
„Наместо учениците, отсега, наставниците ќе дежураат во училишните ходници и дворови.
„Сакам да ве информирам дека Министерството за образование и наука испрати писмо до сите училишта и општини, со барање да ја вратат практиката што постоеше во минатото – да дежураат наставници за време на долгите и кратките одмори, наместо учениците. Верувам дека оваа мерка ќе помогне во спречувањето на инциденти и несоодветно однесување на учениците“, објави министерката на својот Фејсбук профил.
Јаневска повтори дека за поефикасна борба против насилството меѓу врсниците, неопходна е поддршка од сите општествени актери, а најважно од сè, од семејството, родителите и старателите.