Општина Центар соопшти дека инспекциските служби, заедно со екипи на Министерството за внатрешни работи, извршиле увид на градилиштето кај булеварот „Митрополит Теодосиј Гологанов“, во близина на Католичката црква, каде денеска настана свлечиште на земја при градежни работи.
Според информациите од Општината, при увидот било утврдено оштетување на коловозот, тротоарот, канализациската мрежа и уличното осветлување, а инвеститорот веднаш бил санкциониран поради непочитување на законските обврски и предизвикување штета врз јавната инфраструктура.
„Поставени се сигурносни појаси и предупредувачки ленти со цел заштита на граѓаните и безбедно движење во непосредна близина на оштетениот простор. Општина Центар нема да толерира несовесно и неодговорно постапување од страна на инвеститори, особено кога се загрозува безбедноста на граѓаните и се оштетува јавниот простор“, соопштија од Општината.
Инвеститорот е задолжен веднаш да го обезбеди просторот, да преземе мерки за санација и да гарантира безбедност за граѓаните.
Свлечиште на градилиште во центарот на Скопје, пропадна дел од улицата(ФОТО)