Македонија

Коњановски: Битола се гради со засилено темпо, над 80 проекти во реализација

Тековните и планираните проекти во градот

2 минути за читање

Градоначалникот на Битола, Тони Коњановски, на прес-конференција информираше за тековните и планираните проекти во градот, нагласувајќи дека во моментов се реализираат над 80 проекти со поддршка од Владата и дека се работи на 21 локација. Тој истакна дека и покрај проблемите што се јавуваат на терен, општината континуирано работи на нивно решавање, потенцирајќи дека Битола бележи најголем инфраструктурен развој во последните години.

„Работата не може секогаш да биде совршена, но секогаш сме подготвени да се извиниме, да корегираме и да продолжиме напред“, изјави Коњановски, додавајќи дека локалната самоуправа има силна поддршка од Владата.

Во делот на детската заштита, тој информираше дека се работи на отворање нови градинки со цел намалување на листите на чекање. Новата градинка во Нова Битола е завршена и ќе згрижува 153 деца, додека градинката во АРМ, со капацитет од 246 деца, е во завршна фаза и се очекува да биде комплетирана до крајот на третиот квартал.

Коњановски се осврна и на изградбата на улицата „СРУ5“, која ги поврзува „Партизанска“ и „Крушевска Република“, посочувајќи дека станува збор за значаен сообраќаен проект со велосипедски патеки. Во однос на трансформаторот на трасата, нагласи дека решението е согласно постојната проектна документација и дека паралелно се работи на негово надминување. Како капитален проект ја посочи и новата противпожарна зграда во поранешната касарна, која се гради на површина од 3300 квадратни метри, со инвестиција од над 52 милиони денари од општинскиот буџет и дополнителен грант од околу еден милион евра.

Во однос на сообраќајната инфраструктура, градоначалникот информираше дека се реконструирани и изградени 53 километри патишта, а се работи и на булеварскиот влез во Битола од страната на Прилеп, проект кој, како што рече, е од стратешко значење за градот. Дополнително, најави изградба на шест нови паркинзи со над 150 паркинг-места, како и реализација на бројни спортски проекти, меѓу кои реконструкција на училишни игралишта, изградба на спортски сали и нови спортски терени.

Коњановски истакна дека општината обезбедила и средства од европски фондови, вклучително и еден милион евра за реконструкција на водоводна и канализациона мрежа на повеќе улици. На крајот, најави почеста комуникација со медиумите, со редовни брифинзи двапати месечно, со цел навремено информирање на јавноста за сите тековни активности.

Поврзани теми:

избор|битола|градоначалник|влада|проекти|пари|Коњановски

Повеќе на оваа тема:

Најнови вести од: Македонија

Милошоски: Потребна е искрена и остварлива европска понуда за проширувањето

Во Скопје се одржа панел-дискусија на тема „Од визија до геополитички одговор: Проширувањето на ЕУ во новата геополитичка реалност“, организирана од Вилфред Мартенс центарот и Фондацијата Конрад Аденауер, по повод Денот на Европа 2026 година. На конференцијата со наслов „Седум децении подоцна: Од визијата на Шуман до новите геополитички предизвици на Европа“ поздравно обраќање имаше политичкиот врв.

Гаши: Во трка сме со времето во однос на членството со Европската унија

Претседателот на Собранието, Африм Гаши, на трибина организирана од Европското движење, порача дека сме во трка со времето околу членството во ЕУ и се плаши – дека ќе го изгубиме. Според Гаши, нема никаква корист од изнаоѓање виновници околу блокадата на евроинтеграцијата и тој преферира да најдеме пат, т.е. решение и да стигнеме до целта.

Муцунски: Европските пари и се и повеќе од потрребни на Македонија

Планот предвидува интеграција на партнерите во Единствениот европски пазар, унапредување на регионалната економска соработка, забрзување на реформите поврзани со европските стандарди и зголемување на претпристапната финансиска поддршка. Според Европската Унија, ова треба да придонесе за побрз процес на проширување и економски раст во регионот.

Нова шанса за Македонија: Маѓар и Туск предлагаат „Вишеградската група“ да се прошири со земјите од Западниот Балкан, кои не се уште дел на ЕУ!

Премиерите на Унгарија и Полска предлагаат „нова оска за Европа“ – „Вишеградската група“ плус Западниот Балкан, оние држави, кои уште не се во ЕУ, што е нова шанса за македонската евроинтеграција, бидејќи Македонија токму од „Вишеградската група“ добива најмногу вистинска поддршка не само за влегувањето во „евроклубот“, туку и поддршка, која се спротивставува на „добрососедските“ условувања и уценувања за идентитетско-историски отстапки! Новиот премиер на Унгарија заедно со премиерот на Полска најавија дека ќе дејствуваат како „една тупаница“ во Европската Унија. 

Македонија добива 65,7 милиони евра од ЕУ за развој на државата

Европската комисија одобри 65,7 милиони евра за Македонија во рамките на Инструментот за реформи и раст. Тоа е највисок износ меѓу земјите од регионот во овој циклус на исплати. За споредба, за Албанија се одобрени 49 милиони евра, а за Црна Гора 44,2 милиони евра.

Македонија најнапредна во реформската агенда од сите во регионот, затоа ЕУ ѝ додели најмногу пари – 65,7 милиони евра!

Македонија доби најмногу пари од кандидатите за ЕУ. Европската комисија денес стави на располагање 49 милиони евра за Албанија, 44,2 милиони евра за Црна Гора и 65,7 милиони евра за Македонија од „Програмата за реформи и раст“. Ова следува по третото барање за исплата и позитивната оценка на Комисијата за спроведените реформски чекори во областите на деловната конкурентност и иновациите во Албанија и Црна Гора, како и образованието и дигитализацијата во Македонија. Со ова Европската комисија ја испрати една од најпозитивните пораки за Македонија во последните години, оценувајќи дека земјата покажува сериозен напредок во спроведувањето на реформите поврзани со европскиот План за раст за Западен Балкан. Во документот објавен од Брисел, Македонија практично е издвоена како еден од најподготвените партнери во регионот кога станува збор за исполнување на реформските обврски и користење на европските фондови. Во време кога земјитe-кандидатки за влез во ЕУ се заложници на билатерални спорови, особено Македонија, Европската комисија индиректно порачува дека реформскиот капацитет на Македонија не е спорен.

(Видео): Како изгледаат половина милион евра кеш сокриени во комбе – ги најде кучето од Царина

Царинските службеници забележале преправки на возилото, по што е ангажирано царинско куче, кое сигнализирало можност за криумчарење токму на сомнителното место. Сомнежите дополнително се потврдени по скенирање на возилото од страна на Службата за мобилни скенери. По демонтажа на дел од конструкцијата, инспекторите откриле 500 000 евра во кеш, сокриени во специјален простор во возилото.
Сите вести од Македонија

Најнови вести

To top