Македонија

Македонија ја има деветтата највисока температура измерена некогаш во Европа

Најавените 42 степени за претстојниот викенд во земјава пониски за 3,7 од рекордните

Во пресрет на најавените 42 Целзиусови степени за претстојниот викенд, споредбена анализа покажува дека тоа, сепак, е „далеку“ од рекордните 45,7 степени регистрирани на 24 јули 2007 година во Демир Капија, деветта највисока температура измерена некогаш во Европа.

Рекордер на континентот е Турција со 49,5 степени, пред Италија со 48,8 и Грција со 48, а пред Македонија се уште Шпанија со 47,6 степени, Португалија со 47,4, Кипар и Босна и Херцеговина со по 46,2 и Франција со 46, а европскиот топ-10 го заокружува Русија со 45,4.

На дното е Исланд со измерен температурен рекорд од 30,5 Целзиусови степени, пред Ирска со 33,3, Норвешка и Естонија со по 35,6, Данска со 36,4, Финска со 37,2, Литванија со 37,5, Летонија со 37,8, Шведска со 38, Белорусија со 38,9 итн.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top