Македонија е на првото место на листата на земји кои ги пречекуваат ,,бегалските” Американци со брзи процедури за добивање на престој.
,,Замислете да се будите со звукот на брановите наместо со сообраќајот, да пиете еспресо под средновековна кула наместо да трчате до часовникот или да добивате здравствена заштита за 30 долари наместо втора хипотека. За илјадници Американци, тој сон станува реалност благодарение на неколку земји кои нудат моментален или речиси моментален престој. Исто така, имајте на ум дека престојот е различен од државјанството”, пишува МСН во својата анализа за земјите кои најбрзо и најлесно прифаќаат Американци кои сакаат да ги напуштат САД, за свои сограѓани.
Според анализата Американците не мора да бидат богати. Не треба да купуваат имот. И сигурно не мора да чекаат години или да прескокнуваат бесконечни пречки.
Овие места меѓу кои Македонија е на топ позицијата ги повикуваат Американците не само како посетители, туку како витални делови од нивната иднина.
Кои се 5те земји каде што Американците се навистина посакувани, каде што вратата за престој се отвора од првиот ден – шанса да се живее богато, едноставно и со цел.
Тоа покрај Македонија се Маврициус, Панама, Мексико и Црна Гора.
Македонија во анализата се опишува како ,,Балкански бисер подготвен да ве пречека”.
,,Оваа мирна и често занемарена земја на Балканот го воведе еден од најлесните патишта во Европа до престој за странци. Ако можете да покажете стабилен приход, од социјално осигурување, пензија или дури и работа од далечина, веднаш се квалификувате за привремен престој. Нема потреба да купувате имот, да го зборувате јазикот или да бидете милионер.
Кириите во шармантните градови како Охрид можат да бидат ниски и до 250 долари месечно. Со поглед на езерото, чист планински воздух и жива култура, животот тука чини само 900 до 1.300 долари месечно ( 800 до 1100 евра).
А чувството на припадност е вистинско. Од фестивали на езерото до едноставни моменти како што е пиење силно македонско кафе, тоа е живот на тивко богатство и длабока заедница”, пишува МСН, порталот за вести на гигантот Микрософт.
*Зборот ,,Бегалци” во текстот означува државјани на САД кои не заминуваат од таму под присила туку заради желба да живеат на други места а не се принудени на тоа.