Поради врнежи од снег издадена е забрана за сообраќај на тешки товарни возила на повеќе планински превои низ земјата, како Стража, Ѓавато, Пресека, Маврово – Дебар и Струга до граничниот премин „Ќафасан“, информораат од ЈП „Македонија пат“ и од Автомото сојузот (АМСМ).
Според „Македонија пат“, сообраќајот на патиштата низ државата се одвива по претежно влажни коловози.
Интензитетот на сообраќајот на патните правци надвор од градски средини е умеререн.
На граничните премини од македонска страна нема подолги задржувања за влез и излез од државата.
Според надлежните, на одредени патни правци што поминуваат низ усеци и клисури е можна појава на поситни одрони.
Од „Македонија пат“ и АМСМ апелираат на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.
Нивните дежурни екипи се постојано на терен и ги одржуваат проодни сите патни правни низ државата.