Македонија

Марта Кос да направи мал чекор за деблокада на патот кон ЕУ

Во пресрет на посетата на Марта Кос на Македонија, Демократскиот сојуз ја повикува ЕУ да ги деблокира евроинтеграциските преговори на Македонија, бидејќи тоа е во интерес и на Македонија и на ЕУ.

2 минути за читање

 

Демократскиот сојуз од Еврокомесарката Марта Кос бара да направи мал чекор за деблокадата:

Прво, да предложи Советот на ЕУ да донесе заклучок дека идентитетските, историските и јазичните прашања не можат да бидат основа за блокада на евроинтеграциите.

Второ, Советот на ЕУ да  донесе одлука дека Македонскиот јазик, по приемот на Македонија во ЕУ, ќе биде официјален (службен) јазик во ЕУ.

Трето, ЕУ да ја обврзе Бугарија да ги имплементира одлуките на Меѓународниот суд за човекови права од Стразбур, за Македонците во Бугарија да можат да се здружуваат за заштита на своите историски, идентитески и јазични обележја.

Подолго време има изјави од претставници на ЕУ и Бугарија дека внесувањето на Бугарите во Уставот е последно барање, дека Македонскиот јазик е загарантиран, тоа го тврдат функционерите на СДСМ  и дека идентитетските прашања не се дел од Преговорачката рамка.

Само да разјасниме, во Преговарачката рамка никаде не е спомнат Македонскиот јазик, освен дека преводот на директивите на ЕУ ќе се врши на Македонски јазик (тоа и досега се прави), а со годишните прегледи (протоколи) кои се дел од Преговорачката рамка, се отвораат идентитетските прашања, како и со договорот за добрососедски односи помегу Македонија и Бугарија .

Деблокадата е можна и зависи од ЕУ, а не од Македонија.

Во Македонија постои и политички и граѓански консензус за полноправно членство во ЕУ. Тоа е наш национален интерес, соопштија од Демократскиот сојуз.

Поврзани теми:

актуелно|еу|посета|Марта Кос|Демократски сојуз|евроинтеграции

Повеќе на оваа тема:

Најнови вести од: Македонија

Преку нова стратегија до дигитална економија со 10 милиони евра од eвропските фондови

Со INNOFEIT EDIH – првиот Европски дигитален иновациски хаб во Македонија, се поврзуваат универзитетите, стартапите, Владата и индустријата, а Везилка – Националниот центар за вештачка интелигенција, вреден речиси шест милиони евра, го позиционира Скопје во европската мрежа на иновациски центри.

„Актуале“: Левица ја спаси ДУИ од поразот во првиот круг во Тетово и му даде надеж од две седмици на Бајрам Реџепи од НАИ

„Левица не се настапи со своја листа за пратеници во шестата, тетовско-гостиварска изборна единица на ланските парламентарни избори, но на годинашниве локалните избори учествуваше со свои кандидати во општините, каде што живеат и Албанци.“ – нагласува информативниот портал на албански јазик „Актуале“.

Вреди бара опозициската коалиција НАИ на ДУИ и Ахмети да го признае и да го прифати поразот на локалните избори

„Резултатот од локалните избори е јасен доказ дека Вреди е втор политички субјект во С.Македонија.“ – им порачаа претставниците на оваа коалиција од денешната прес-конференција на Али Ахмети и нивните коалициски истомисленици и содејци од опозициската коалиција Национална алијанса за интеграција.

Меџити: Гласачите-Албанци го испратија Ахмети во политичка пензија, сфатија дека во опозиција зборува за Етничка Албанија и УЧК, а кога е во влада за Отворен Балкан!

„Ова е момент за размислување за ДУИ и за сите оние, кои раководеле долго време без промена. Им посакувам да се реформираат со идеи, со програми и со нови лица, за да бидат во иднина конкурентни на албанската политичката сцена во Македонија.” – изјави новоизбраниот претседател на општина Чаир Изет Меџити во интервјуто за ТВ А 2 СиЕнЕн од Албанија.

Конкурентни избори со вистински избор меѓу различни политички алтернативи, оценуваат меѓународните набљудувачи

Меѓународната мисија беше составена од 275 набљудувачи од 40 земји, меѓу кои 253 експерти на ОБСЕ/ОДИХР, 15 членови од Конгресот на Советот на Европа и седум европратеници
Сите вести од Македонија

Најнови вести

To top