Македонија

МИА: Град Скопје започна постапка за присилна наплата на данок на имот за 2021 година

„Град Скопје започна со постапката за присилна наплата на неплатениот данок на имот за 2021 година, поради тоа што значителен број даночни обврзници и покрај јавниот повик не ги подмириле своите обврски, соопштија од градот.“ – објави Македонската информативна агенција – МИА.

2 минути за читање

Градот Скопје на 9 декември 2025 година упати јавен повик до сите даночни и таксени обврзници, правни и физички лица, кои имаат неплатени обврски по основ на данок на имот, данок на промет, наследство и подарок, како и комунална такса-фирмарина за изминатите години, да ги подмират своите долгови во најкраток можен рок.

Заклучно со 23 јануари 2026 година, вкупно 830 даночни обврзници ги подмирија заостанати обврски во износ од 20.107.103 денари кон Градот Скопје. Со оглед на тоа што значителен број обврзници и понатаму не ги имаат подмирено своите долгови, Градот Скопје известува дека од 26 јануари 2026 година започна постапка за присилна наплата на данок на имот за 2021 година.

Во рамки на постапката утврдено е дека 37.655 физички лица и 1.926 правни лица не го подмириле долгот по основ на данок на имот за 2021 година, во вкупна вредност од 148, 5 милиони денари. 

За 16.372 даночни обврзници, се изготвени и доставени Решенија за забрана на средства до деловните банки, додека преостанатите 23.209 решенија ќе бидат доставени до крајот на оваа недела, со цел обезбедување наплата на неплатените обврски.

Град Скопје ги повикува сите граѓани и компании кои сè уште не ги подмириле своите обврски по основ на даноците на имот и комунални такси, тоа да го сторат во најкраток можен рок, бидејќи присилната наплата ќе продолжи кон сите даночни должници кои имаат долг спрема Градот Скопје.

Увид во состојбата на сопствениот даночен долг може да се направи преку електронскиот портал на Град Скопје: https://danoci.skopje.gov.mk/gskopje/root/public/login.xhtml, каде што е овозможено и електронско плаќање. Подмирувањето на овие давачки претставува законска обврска и неопходен предуслов за нормално функционирање и развој на градот.

„Изразуваме благодарност до сите граѓани и правни лица кои навремено ги подмируваат своите даночни обврски и со тоа придонесуваат за побрз развој, поквалитетни услуги и подобар град за сите.“ – соопшти Градот Скопје, дополнувајќи дека останува посветен на транспарентност, отчетност и создавање подобри услови за сите жители во главниот град, објави МИА

Поврзани теми:

актуелно|Град Скопје|Македонска информативна агенција- МИА|присилна наплата на данок на имот за 2021

Повеќе на оваа тема:

Најнови вести од: Македонија

Координативен состанок со стручни тимови за сообраќајот, пред финалните подготовки за пуштање во функција на „Сејф Сити“

Со воведувањето на Сејф Сити, Скопје започнува суштинска реформа во начинот на управување со сообраќајот, заменувајќи ги застарените модели со паметни, адаптивни и технолошки напредни решенија кои во реално време ќе го регулираат протокот на возила, ќе ги намалат гужвите и ќе овозможат побезбедно и поефикасно движење низ градот.

„Политико“: Европскиот топ-дипломат Каја Калас ја нарекува претседателката на ЕК Урсула Лаен „диктатор“!

„Шефицата на европската дипломатија, Каја Калас, приватно ја нарекува претседателката на Европската комисија, Урсула фон дер Лајен, ‘диктатор’, признавајќи дека ‘нема вистинска моќ да влијае врз неа’.“ – објави бриселскиот аналитички портал „Политико“ во својата анализа со наслов „Петте најтешки работни места во Брисел“. Изворите на „Политико“ посочуваат на „тековните несогласувања и промени на моќта во највисоките ешалони на ЕУ“.

МВР ги објави деталите за казните преку системот „Безбеден град“

Во насока на зголемување на безбедноста во сообраќајот и доследна примена на законите, Министерството за внатрешни работи ги информира граѓаните за прекршоците што се санкционираат преку системот „Безбеден град“ и предвидените глоби.

Вицепремиерот Николоски со своја и владина поддршка за протестот на превозниците: Ова е навремено предупредување, постојат три решенија

Заменик претседателот на Владата и министер за транспорт, Александар Николоски, денес беше присутен на граничниот премин Блаце, по најавата на транспортните превозници за блокада. Тој искажа поддршка за протестот на превозниците. „Причината зошто сум денеска тука на овој граничен премин е за да искажам поддршка во мое име и во име на Владата. Овој протест е предупредувачки протест. Превозниците сакаат да покажат што ќе се случува од 10-ти април натака. Ова е едно предупредување, сметам дека е навремено со цел да се искористат месеците февруари и март и земјите-членки на Шенген зоната да изнајдат решенија.“ – нагласи Николовски.

ВМРО ДПМНЕ: По Србија и Вучиќ на СДС сега им пречат Унгарија и Виктор Орбан, на кои Заев како премиер јавно им се заблагодаруваше!

„Заврши опседнатоста на СДС со Александар Вучиќ и Србија, сега си најдоа нова опсесија. Откако со недели и недели ја труеја македонската јавност со соседната земја, до степен човек да не може да ги разликува дали биле опозиција во Србија, или во Македонија, сега отидоа малку понасевер и се фатија со Унгарија.“ – реагира ВМРО ДПМНЕ.
Сите вести од Македонија

Најнови вести

To top