Премиерот Христијан Мицкоски ја отфрли можноста за одржување предвремени парламентарни избори оваа година иако рече дека тоа би ѝ одговарало на владејачката партија.
„Цело време зборувам колку лоши работи ги наследивме и колку работи треба да се направат и колку реформи треба да се направат да биде подобро.
И сега да кажам дека се подготвуваме за парламентарни избори и да потрошиме пола година живот на нашите граѓани“, изјави Мицкоски во синоќешното гостување на ТВ21
Претходно во емисијата, за средбата со Али Ахмети и за тоа дека дал ветување дека ќе има предвремени избори, па потоа се повлекол, кажа дека не би се повлекол затоа што на ВМРО-ДПМНЕ му одговара да има предвремени избори.