Македонија

Милошоски: Филипче зборува за Србија, за да не се зборува за состојбите во СДСМ

Претседателот на СДСМ ја пренасочува политичката дебата кон Србија за да ги избегне прашањата за состојбите во сопствената партија, неговиот личен рејтинг и слабата внатрепартиска кохезија

 

Филипче ја пренасочува политичката дебата кон Србија за да ги избегне прашањата за состојбите во сопствената партија, неговиот личен рејтинг и слабата внатрепартиска кохезија.

„ Однесувањето на претседателот Филипче е прилично едноставно. Тој би сакал да разговара за сè, освен за состојбите во СДСМ, за неговиот рејтинг или за кохезијата на нивната политичка партија. Затоа разговара за Србија. Очекувам да почне да разговара и за Бразил, дека таму победила СДСМ “, рече пратеникот од редовите на ВМРО-ДПМНЕ, Антонио Милошоски во синоќешното гостување во емисијата „Колегиум“ на ТВ Алфа.

Според него, Филипче ја пренасочува политичката дебата кон Србија за да ги избегне прашањата за состојбите во сопствената партија, неговиот личен рејтинг и слабата внатрепартиска кохезија.

Но, главната критика на пратеникот на ВМРО-ДПМНЕ не се однесува само на темите што ги отвора Филипче, туку и на улогата што, според него, СДСМ не успева да ја одигра како опозициска партија.

Милошоски оцени дека на земјата ѝ е потребна посериозна и поконструктивна опозиција, со капацитет да ја контролира и коригира власта, но и да понуди алтернативни решенија за политичките и економските предизвици. Според него, СДСМ под водство на Филипче не успева да го искористи потенцијалот што го има една опозициска партија.

„Нас ни е потребна посериозна, позрела опозиција со посилен потенцијал. Гледаме дека тој, како лидер на политичка партија, е слика на состојбата што ја имаме дома, односно имаме лидер на политичка партија што нема капацитет да го искористи опозицискиот потенцијал и да биде сериозен критичар на власта или да нуди сериозни политички или економски алтернативи“,изјави Милошоски.

„ Ако тој смета дека рејтингот на СДСМ расте, тогаш би било логично да побара предвремени избори.

Ако не бара предвремени избори, тогаш јасно е зошто не ги бара, бидејќи рејтингот му е прилично слаб.

Дури и ако гледате, рејтингот на СДСМ како политичка партија е повисок од неговиот личен рејтинг, што значи дека симпатизерите на СДСМ не би гласале за претседателот на нивната партија“, рече Милошоски.

Милошоски се осврна и на честото споменување на Србија во соопштенијата на СДСМ, сугерирајќи дека зад тоа може да стои координација со ПР-агенција што работи и во Македонија и во Србија.

„Веројатно имаат ПР-куќа што има релации и со Македонија и со Србија и затоа СДСМ последнава година во секое трето соопштение има дел од српската политика во тоа соопштение, кое треба да биде насочено како критика кон нашата власт, а истиот Филипче постила црвен килим за еден пакет вакцини“, рече Милошоски.

 

Најнови вести од: Македонија

Силјановска-Давкова: Ние сме рекордери во промената на Уставот, за три децении 36 пати!

Уставот е закон над законите и најважниот општествен договор – истакна денеска претседателката Гордана Силјановска-Давкова на отворањето на научната конференција по повод 35-годишнината од осамостојувањето и донесувањето на првиот Устав на Република Македонија. Конференцијата е во организација на Собранието, ЈНУ Институт за национална историја и Државниот архив.

Христовски: Мала е опасноста од терористички активности во Македонија

„Мала е опасноста од од терористички активности во Република Македонија, каква што е подолго време наназад, и покрај глобалните трендови на зголемување.“ – изјави денеска директорот на Агенцијата за национална безбедност Бојан Христовски, откако беше запрашан за состојбата во Македонија, поврзано со повикот на американската амбасада во Бугарија до своите граѓани за внимателност во Бугарија.

„Рамковниот“ и „преспанскиот инженеринг“ на Уставот од 17 ноември 1991 со 36-те амандмани за 35 години целосно ја урнисаа македонската „уставна приказна“ (4)

Првиот устав на независна Македонија од 17 ноември 1991 година е од редот на така наречените „национални устави“. Во најголемиот број негови суштински елементи тој беше на исто ниво и содржински и во поглед на содржаните принципи како и 165 од вкупно 189 национални устави во светот. Во изминатите 35 години до денес извршени се осум пати дури 36 амандмански  интервенции во уставот, од што двапати во преамбулата, во 2001 и 2019 година:  никаде во ниеден устав на ниедна држава во светот не се вршени упаѓања во преамбула со амандмани. Ова што се случувало со македонскиот устав од 1991 година. по барање на Грција во 1992 година, потоа „рамковниот инженеринг“ во 2001 година и бришењето на националниот, асномски карактер на Македонија како држава, па „преспанскиот инженеринг“ и бришењето дури и името Македонија на државата со амандмани во преамбула, сето тоа доволно јасно говори каков е сегашниот устав. Тој е сега идентитетски обезличен, со избришана државотворност на македонскиот народ и на неговите врски со матичната држава, за која војувал, со присилно „ампутирани“ врски и со Македонците во соседните држави како тамошни малцинства.

АНБ: Криминални структури подготвувале атентат во соседна земја

Станува збор за лица етаблирани во криминални структури во земјава кои по директни насоки на иранскиот државјанин преземаат подготвителни логистички активности за извршување на терористички акт, атентат врз претходно дефинирано лице, во Грција

Сиљановска-Давкова: Без слободни медиуми нема информирани граѓани, а без тоа демократијата ризикува да се претвори во празна форма

Новинарството не смее да биде ниту продолжена рака на владата ниту нејзин однапред определен противник, туку мора да ја преиспитува секоја форма на моќ, порача денеска претседателката на Македонија

Костадиновски: Изградбата на правна држава во која владеат правото, правдата и еднаквоста е обврска на секоја генерација

Да бидеме генерација која со своите дела ќе ја потврди својата верност кон Уставот и ќе придонесе за изградба на слободна, демократска и просперитетна држава“, се додава во честитката од претседателот Костадиновски до сите граѓани по повод Денот на Уставот“

To top