Македонија

Милошоски: Нема мигранти, туку „партиски мигранти“ – бегалци од СДСМ, кој манипулира со темава, за да ги прикрие внатрешните проблеми!

Пратеникот од ВМРО ДПМНЕ Антонио Милошоски изјави во емисијата „Само интервју“ на ТВ Канал 5 дека не постои никаков документ, барање, или тема, наметната од Велика Британија во врска со мигранти и оти би било целосно одбиено такво барање, ако постои. „Јавноста може да биде спокојна. Ниту постои барање, ниту ќе се прифати било какво барање за мигранти. Темата е политичка манипулација на СДСМ, за да ја покрие внатрешната слабост и празнина: нема кадар, нема идеи, нема луѓе за расправи.“ – нагласи Милошоски.

2 минути за читање

Антонио Милошоски посочи дека дека во Македонија не постои проблем со мигранти и, според него, СДСМ ја отвора темата манипулативно за да ја прикрие партиската слабост и одливот на кадри. „Македонија и Британија имаат потпишано договор за инвестиции, за соработка и за проекти. Нема ниту од една страна тема, што опфаќа мигранти. Тоа е тема со која полесно може да се манипулира.“ – укажа Милошоски, додавајќи дека СДСМ ја злоупотребува.

Тој истакна дека претседателот на СДСМ Венко Филипче се соочува со сериозни внатрешнопартиски проблеми, како што рече, особено со, „партиски мигранти“, кои заминуваат во други политички опции. „Филипче се соочува со свои партиски мигранти, кои им бегаат, затоа што гледаат дека СДСМ ја губи влијателноста, што ја имала пред 5, или 10 години. Сега го советуваат оваа тема да ја искористи за покривање.“ – рече Милошоски.

Како дополнителна аргументација тој наведе дека е во Македонија многу мал бројот на лица, кои имаат статус како бегалци, или азиланти. „Вкупно 14 лица имаат добиено статус на бегалец: девет од Косово, три од Конго и двајца од Сирија. Истовремено, 4 членови на извршниот одбор на СДСМ си поднесоа оставка. Симптоматично, но можеби случајно.“ – нагласи Милошоски.

Тој рече дека очекува оваа тема да се користи од страна на СДСМ уште извесен период, до февруари или март вгодина, по што, според него, ќе исчезне од средиштето на вниманието. 

 

 

Поврзани теми:

избор|Македонија|мигранти|ВМРО-ДПМНЕ|Антонио Милошоски|Велика Британија|„партиски мигранти“-бегалци од СДС во други партии|топ|актуелно

Повеќе на оваа тема:

Најнови вести од: Македонија

(Фото): Македонските државјани кои се во Мексико итно да ја напуштат државата поради немирите

Министерството за внатрешни работи ги повика македонските граѓани кои се наоѓаат во Мексико да ја напуштат државата поради влошената безбедносна состојба. Од МНР препорачуваат одложување на сите патувања кон Мексико кои не се од итен и неопходен карактер.

Повторно лажна паника – Аларм за дојави на бомби во училиштата

Лажната дојава за бомба е пријавена во 10 училишта во Тетово – четири средни и шест основни – поради што наставата не се одржа во ниту едно училиште во градот. Во меѓувреме, Секторот за образование во Тетово бара одговорност од надлежните органи за испраќањето на овие дојави и за безбедноста на учениците.

Законот за пушење: Терасите на локалите да бидат отворени од две, наместо од три страни

По денешната средба во Владата помеѓу владини претставници и луѓе од Туристичко-угостителската комора, договорено е терасите, односно летните бавчи на рестораните и кафе-баровите да мора да бидат отворени само од две страни, наместо првично предложените три страни, велат од секторот.

Кавадарци ќе го претвора винскиот отпад во нови производи

Преку Фондот за градски експерименти и процесот на зелена и дигитална трансформација, Кавадарци ќе прави чекор напред кон претворање на винскиот отпад во нови производи, развој на циркуларна економија и градење современа еко-туристичка понуда која ги поврзува винариите, културните знаменитости и локалните стопанства.

Нови можности за локалниот бизнис – Шведско-македонската стопанска комора отвора канцеларија во Скопје

Преку проекти за унапредување на локалната бизнис клима, Општината активно работи на подобрување на инфраструктурата, модернизација на административните услуги и директна поддршка на малите и средни претпријатија. Целта е да се унапредат условите за поефикасно водење бизнис, зголемена конкурентност и привлекување на нови инвестиции, кои ќе резултираат со нови работни места и одржлива локална економија.

ДУИ бара „правична и непристрасна постапка“ за Груби, ВМРО ДПМНЕ посочува дека ќе одговара за сите милиони евра, кои ги украл!

ДУИ „позитивно ја оценува одлуката на Артан Груби, да се врати во земјата“, оценувајќи дека „со тоа се создава можност да се изнесат сите аргументи и да се разјаснат прашањата преку транспарентна, правична и непристрасна постапка“. ВМРО ДПМНЕ денес реагираше по апсењето на Артан Груби: „Тој важи како  олицетворение на криминалот и корупцијата предводена од СДС и ДУИ, и конечно ќе се соочи со правдата. Криминалот на бегалецот од правдата Груби достигна над 8 милиони евра. Има укажувања дека оваа сума може да надмине десетици милиони евра, украдени од граѓаните. Дополнителен криминал на Груби заедно со неговиот другар Бајрами, тогашен директор на Државната лотарија, освен што местеле милионски тендери, е и исплаќање аванси на деловни соработници. За целиот овој милионски криминал на Груби знаеше и СДС, но само за да не му пропадне коалицијата и да му потрае власта, молчеше и го одобруваше, со што стана соучесник. Груби крадеше, СДС молчеше и одобруваше. Сега е време на одговорност.“

Високото образование треба да создава стручни луѓе, а државата да бара отчетност од универзитетите

Министерството за образование и наука не е спротивставена страна на академската заедница, напротив во соработка со Универзитетите го започнавме и на ист начин ќе го завршиме Законот за високото образование, изјави министерката за образование и наука Весна Јаневска, пред почетокот на 4-тата јавна дебата, што денес се одржа на Универзитетот „Св. Кирил и Методиј“ во Скопје.

За лажна работна виза за Германија тетовка му платила 3 илјади евра на сограѓанин, потоа „испарил“!

Во СВР Тетово, 32-годишна жена од Тетово пријави дека била измамена од едно лице од Тетово за сума од 3.000 евра. Според пријавеното, во текот на 2024 година, таа се договорила со лицето да ѝ посредува за добивање работна виза за Германија и притоа парите му ги исплатила во неколку наврати.
Сите вести од Македонија

Најнови вести

To top