Министерот за одбрана Владо Мисајловски соопшти дека во изминатиот период е постигнат значаен напредок во развојот на капацитетите на Балканските медицински наменски сили (БМНС), регионална иницијатива од големо значење.
На денешниот состанок на земјите-членки на БМНС во Брдо, Словенија, било разговарано за натамошниот развој, поголемата видливост и преземањето нови одговорности на оваа регионална иницијатива.
– Пред нас е можност да направиме нов исчекор во развојот на БМНС и да ја зајакнеме нејзината улога и придонес, не само во регионот, туку и пошироко. Македонија како постојано седиште на Командата и водечка нација на БМНС во период 2026-2028 година има јасна визија. Ние ја поддржуваме идејата за разгледување на можностите БМНС да даде свој придонес и надвор од балканскиот регион, за што ќе бидат потребни заедничка волја и посветеност од сите земји членки – напиша министерот на Фејсбук.