Министерот за одбрана Владо Мисајловски денеска, организираше предновогодишен собир со вработените во Министерството за одбрана и Генералштабот на Армијата на Република Македонија.
На собирот беа врачени признанија и благодарници до припадниците на Армијата и министерството кои се пензионираат, како знак на длабока почит и благодарност за нивната посветена и професионална работа низ годините.
„Професионалноста и трудот на вработените во министерството и припадниците на Армијата претставуваат силен столб на македонската одбрана. Нивниот придонес остава траен белег во градењето на безбедноста на државата и сигурноста на граѓаните“ – истакна министерот Мисајловски.
Тој додаде дека со искрена благодарност кон сите вработени во Министерството за одбрана и припадниците на Армијата ја заокружуваат годината со почит кон вложениот труд и со заедничка заложба и понатаму да ја јакнат одбраната и стабилноста на татковината.
Собирите од овој вид се традиција во Министерството за одбрана и Армијата, а оваа година особено се истакнуваат заслугите на пензионерите кои со својата служба помогнале во модернизацијата, професионализацијата и интеграцијата на македонската армија во НАТО.