Професорката Мирјана Најчевска е жесток критичар на ВМРО-ДПМНЕ но денеска објавува позиција за проблемот со Бугарија која е идентична со позициите на партијата на Мицкоски.
Меѓу другото таа би го судела Бујар Османи за велепредавство би барала извинување и репарации за сторената штета од Бугарија за тоа што го сторила за време на окупацијата во втората светска војна.
Меѓу нејзините барања е и тоа за признавање на македонското малцинство во источниот сосед.
За жал Најчевска не беше вака конкретна кога владата на СДСМ и ДУИ пред три години го потпишаа Францускиот предлог и ја ставија Македонија во исклучително тешка ситуација.
,,Мислам дека е време да се залечат раните кои ни ги нанесе Бујар Османи.
Прво, мора да биде ставен на расправа во Собрание вториот протокол со Бугарија и да се побараат промени.
Второ, Бујар Османи мора да одговара за велепредавство или во најмала мерка за злоупотреба на службена должност со која нанел трајни и многу тешки штетни последици за државата.
Трето, Македонија треба да почне да поставува барања и услови во насока на доказ за добрите намери на Бугарија и нејзината посветеност на добрососедските односи со Македонија.
Прво треба да се побара извинување од Бугарија за злосторствата направени во текот на окупацијата од страна на фашистичката власт во Бугарија во Втората светска војна.
Второ, треба да побара репарација на штетите кои биле нанесени на Македонија во тој период.
Трето, да се препознаат и заштитат правата на Македонците во Бугарија и да им бидат надоместени сите штети нанесени со непочитување на меѓународните договори ратификувани од страна на Бугарија и посебно спротивни на вредностите на ЕУ”, пишува Најчевска.