Македонија

Најмалку 15 мртви и 18 повредени во Лисабон, откако вчера трамвајско возило за нагорнини излета од шините и удри во зграда (ВИДЕО)

Страотна трагедија вчеравечер во португалскиот главен град

Оваа тешка сообраќајна несреќа се случи вчера околу 18 часот во време на вечерен шпиц, откако трамвајското возило за јавен превоз по нагорници – фуникулар се лизна од шините и удри во зграда. Загинаа најмалку 15 лица. Повредени се 18, а меѓу нив петмина се во тешка состојба. Како што пренесува Си – Ен – Ен Португалија, меѓу жртвите има и странски државјани.

Првите извештаи укажуваат дека најверојатно пукнал кабелот, кој го влече трамвајското возило по нагорнината. Тоа предзвикало нагло превртување на возилото по надолнината и негово излетување од шините на трасата. Во моментот на несреќата во возилото се наоѓале повеќе од 40 патници. Во акцијата за спасување учествувале повеќе од 60 пожарникари и припадници на итните служби со повеќе од 20 возила. Повредените се префрлени во болниците во главниот град на Португалија Лисабон. Лекарите се борат за животите на најтешко повредените. Градноначалникот на Лисабон Карлос Моедаш изјави дека е ова „трагичен ден за градот и неговите жители“.

Трамвајското возило за нагорници – фуникуларот, популарно наречен „Глорија“, е од 1885 година симбол на Лисабон и една од неговите најпознати атракции. Вакви трамвајски возила за нагорнини има во градовите со стрмни улици, како што се Лисабон, или Истанбул, во Турција, но и на многубројните планински туристички дестинации ширум светот. Во Лисабон постојат неколку историски трамвајски возила за нагорнини – „Глорија“ „Бица“ и „Лавеа“. Покрај превозната функција, тие имаат и голема туристичка вредниост, бидејќи претставуваат симбол на градот и на неговото културно наследство.

Најнови вести од: Македонија

ВМРО ДПМНЕ: Агенциите за разузнавање и за безбедност пет години го прислушувале Мицкоски, за да се одржат на власт СДС, Заев и Филипче!

Владејачката партија бара јавното обвинителство да отвори сеопфатна истрага околу овој прислушувачки скандал од невидени размери и да бидат изведени пред правдата сите, кои ги злоупотребувале агенциите за безбедност и разузнавање.

Нова меѓународна афирмација на поетската реч на македонски јазик: наградата „Поезија и луѓе“ за Никола Маџиров во Кина

„Никола Маџиров зрачи со светлечки хуманизам на една нова генерација поети. Неговото пишување продира во заборавените одаи на животот и ја штити светлината меѓу луѓето, таму каде што, длабоко во пепелта, останува незгаснатата искра на поезијата..“ – дел од образложението кон наградата, доделена на веќе нашироко познатиот македонски поет, кој ги шири својата поезија и мајчинiot македонски јазик низ светските меридијани, уривајќи ги и обесмислувајќи ги сите обиди за негација на македонската култура, на македонскиот јазик и идентитет.

ВМРО-ДПМНЕ објави нови 16 кандидати за градоначалници

Извршниот комитет на ВМРО-ДПМЕН, донел одлука за Куманово и Центар да се поддржат кандидатите кои ќе бидат предложени од коалициската партија ЗНАМ. ВМРО-ДПМНЕ на денешната седница на Извршниот комитет утврди 16 нови кандидати за градоначалници за локалните избори закажани за 19 октомври.

Обвинителството бара притвор за тројца за пожарот на депонијата „Вардариште“

Жителите на Аеродром секој ден во 18 часот ќе ја блокираат раскрсницата меѓу булеварите „АСНОМ“ и „Србија“ дури не се реши проблемот. Обвинителството бара притвор за тројца за пожарот на дивата депонија „Вардариште“.

Нов протест за депонијата во Скопје, се бара решавање на проблемот со „Вардариште“

Жителите на Скопје и околните општини повторно се подготвуваат да излезат на улиците во знак на протест против депонијата Вардариште, која во последните денови предизвикува неподносливи услови и загадување.

Најнови вести

To top