Доцнење на дејствување или целосно отсуство на дејствување од страна на институциите по препораките на Народниот правобранител за повреда на правата на граѓаните, констатира Народниот правобранител во извештајот за минатата година.
Најголемиот дел од преставките доставени до Народниот правобранител во делот на повредата на правата на граѓаните се во областа на правосудството, реферираше во годишниот Извештај за 2025 година народниот правобранител Фатмир Сељами пред пратеници на собраниската Комисија за политички систем и односи меѓу заедниците.
Сељами посочи дека најголем дел од претставките во делот на праводсудството се однесуваат на непочитување на законските рокови, за што и во изминатите години и во 2025 година има констатирано дека судските постапки траат предолго и не се води сметка за ефикасноста на постапките.
„Притоа странките не добиваат навремени известувања за статусот на нивните предмети. За работата на извршители, најголемиот дел од претставките на граѓаните се за дебоклада на нивните сметки, како и за износот на каматата на предметниот долг“, рече Сељами.
Пред пратениците истакна дека народниот правобранител во текот на минатата година разгледала 2.921 предмет, а од нив во институцијата биле примени и заведени во 2025 година вкупно 2.400 претставки, а 521 предмет биле пренесени од претходната година.
Дури и сега, повеќето права се кршат од страна на судовите, додека во речиси сите области бројот на случаи на повреда на правата се зголемува.
Така, од над 2.900 случаи што се примени, 1.810 се завршени, додека во над 400 од нив се утврдени повреди.
„Народниот правобранител, постапувајќи по индивидуални жалби, како и во претходните години, и минатата година констатира дека постапките во надлежните области траат предолго и дека ефикасноста на постапките не се зема предвид, во кој случај страните не добиваат навремени известувања за статусот на нивните случаи.“, изјави Народниот правобранител, Фатон Селами.
Извештајот на Народниот правобранител овој пат е подготвен за 2025 година, година во која институцијата работеше без избран Народен правобранител шест месеци.