Вицепремиерот Александар Николоски, очекува поубедлива победа за ВМРО-ДПМНЕ на претстојните локални избори што ќе се одржат во октомври оваа година.
Според него, партијата ќе има многу подобар резултат отколку на претходните локални избори.
Во врска со опозицијата, тој рече дека таа ќе се движи од нула на максимум три градоначалници.
„Подобри сме отколку на минатогодишните избори, но важно е дека ќе имаме многу подобар резултат отколку на локалните избори и не е нереално опозицијата да се движи помеѓу нула и максимум три градоначалници“, рече Николоски во денешното интервју за телевизијата Канал 5.