Одговарајќи на новинарски прашања по рочиштето за случајот против судијата Ѓоко Ристов за нејзиниот избор, Хаџи Василева нагласи дека интегритетот е клучен за независното работење на обвинителите.
Веројатно е природно обвинителската работа по својата суштина да трпи некакви притисоци. Наше е како обвинители да бидеме отпорни и да ставаме граница на тие притисоци. Не треба да се плашиме, притисоците се веројатно дел од човечката природа, како и интегритетот, кој сум убедена дека е дел од голем број обвинители – истакна таа.
На прашање како би постапила доколку биде контактирана од носител на висока државна функција, меѓу кои и премиерот, Хаџи Василева рече дека институционалната комуникација е нормална, но не и евентуалните интервенции во конкретни предмети.
Органите и институциите не е ништо спорно да соработуваат и тоа е природно, логично и разумно. Ако мислите на некакви интервенции или ургенции, тоа е веќе друго прашање и се разбира дека ние сме по Устав самостојни и одлучуваме врз основа на право, факти и докази – нагласи Хаџи Василева.
Таа посочи дека формално функцијата ќе ја преземе по завршувањето на законските процедури во наредните две недели, по што ќе се посвети на организациските прашања и на зголемување на ефикасноста на кривичниот прогон.