Минатата седмица Еко-патролата на ЈП „Комунална хигиена – Скопје“ одржа едукативни средби со претставници на 102 стопански субјекти низ главниот град – маркети, ресторани, бурекџилници, слаткарници, кафетерии и бутици.
Целта беше јасна: да се запознаат сопствениците и вработените со правилата за одлагање на комуналниот отпад и отпадот од пакување, за да се спречи неконтролирано фрлање, оштетување или палење на контејнерите и да се зачува чистотата и здравјето на сите скопјани.
За време на средбите, членовите на Еко-патролата детално објаснија каде и на кој начин треба да се одложува отпадот од секојдневното работење, нагласувајќи дека правилното постапување е клуч за почиста животна средина и помалку проблеми на улиците.
Активностите на Еко-патролата продолжуваат и во наредните недели, со најави дека ќе опфатат уште поголем број објекти низ цело Скопје.