Македонија

Охридскиот договор е исполнет, Бадентеровото мнозинство е завршена тема

Премиерот Христијан Мицкоски изјави дека Охридскиот рамковен договор е целосно исполнет и дека таа тема е завршена.

Премиерот Христијан Мицкоски изјави дека Охридскиот рамковен договор е целосно исполнет и дека таа тема е завршена. Одговарајќи на новинарско прашање дали Владата размислува за ревизија на Бадентеровото мнозинство, кое е дел од Охридскиот договор и вградено во Уставот, Мицкоски потенцира дека фокусот е на други приоритети. Ова доаѓа по изјавата на министерот за правда Игор Филков, кој во интервју за „Фокус“ рече дека можеби е време да се преиспита потребата од Бадентеровото мнозинство.

Според Мицкоски, вистинскиот институционален проблем бил алатката „балансер“, која беше укината од Уставниот суд. Тој најави дека сега се работи на нов Закон за правична застапеност, кој, освен етничката компонента, ќе вклучува и критериуми за оценка на квалитетите и компетенциите на кандидатите за вработување. „Законот е испратен на мислење до Венецијанската комисија, и штом го добиеме, ќе го ставиме на гласање“, изјави премиерот.

Во интервју за „Фокус“, направено пред собраниската седница во саботата, на која не беа изгласани измените во Изборниот законик поради недостиг на Бадентерово мнозинство, Филков изјави дека се надева оти Собранието ќе ги заврши своите обврски и нема да дозволи правен вакум. Тој додаде дека, доколку Бадентеровото мнозинство се злоупотребува, можеби е време да се размисли за негово преиспитување, бидејќи „Македонија мора да оди напред“.

Од друга страна, портпаролот на Демократската унија за интеграција (ДУИ), Арбер Адеми, денес на прес-конференција предупреди дека идеите за ревизија на Бадентеровото мнозинство се опасни и ги нарушуваат меѓуетничките односи. Тој тврди дека Владата систематски го напаѓа Охридскиот договор, посочувајќи на потези како укинувањето на балансерот, непочитувањето на правичната застапеност и игнорирањето на Законот за употреба на албанскиот јазик.

На ова реагираше потпретседателот на ДУИ, Бујар Османи, поранешен министер за надворешни работи и актуелен кандидат за градоначалник на Општина Чаир. На социјалните мрежи, тој изјави дека изјавата на Филков е доказ за постоење на план за постепено уривање на Охридскиот договор.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top