При изведба на градежни работи на индивидуален објект во старото градско јадро беше урнат јужниот ѕид и дел од кровната конструкција од спомен куќата на авторот на македонската химна Владо Малески во Струга.
Основното јавно обвинителство Струга оформи предмет во врска со уривањето на спомен-куќата која е заштитена како културно наследство. информираа денеска од Обвинителството.
„Во врска со предметот за уривањето на спомен-куќата на Владо Малески, при вршење градежни работи во близина на објектот од страна на лице од Велешта, Основното јавно обвинителство Струга оформи предмет и на 16.10 јавен обвинител изврши увид на лице место во присуство на вешто лице од градежната струка.
Наредено е вештачење, а се преземаат и други дејствија за испитување на околностите под кои се случил настанот“се наведува во соопштението од ОЈО Струга.