Потпретседателот на ДУИ, Бујар Османи, реализира дводневна работна посета на Брисел, каде оствари средби со високи претставници на Европската служба за надворешна акција (EEAS), Европската комисија и Европскиот парламент.
Како што се наведува во соопштението од ДУИ, Османи во разговорите истакнал дека европскиот пат на земјата е блокиран, а изразена е и сериозна загриженост за судбината на Охридскиот рамковен договор и неговото спроведување.
Османи предупредил дека постојат ризици за стабилноста и дека е потребно зачувување на Охридскиот рамковен договор како основа за меѓуетничките односи во земјата.
„Европската интеграција бара и внатрешни политички одлуки, но и посилна поддршка од европските партнери“, се вели во соопштението од ДУИ.