Скопскиот регион, но и делови од Македонија, беа погодени од силно невреме проследено со ветер и дожд, по што речиси истовремено избија повеќе пожари на отворен простор, видливи од голем дел од градот и предизвикувајќи вознемиреност кај граѓаните. Она што беше најлошо, во невремето проследено со силен ветер во скопската Општина Ѓорче Петров, на улицата Македонска Војска падна кров од дваесетметарска зграда, под чии остатоци се заробени две возила.
Градоначалникот на Општината Александар Стојкоски вели дека механизацијата е на терен и се чека да заврши увидот, по што ќе започне расчистувањето на остатоците. Во овој дел од општината е исклучена и електричната енергија. Повредени лица нема, но има голема материјална штета. Екипи на општината се на терен и отстрануваат паднати дрвја во Паркот во Ѓорче Петров, во населбата Даме Груев, во Ново Село во потегот накај Мага Паркот и на други места.
Во меѓу бреме, попладнево Битола и регионот беа зафатени од невреме пред се силен ветер и врнежи од дожд. Според информацијата од Автомото сојузот на Македонија во 16.10 часот поради паднати дрвја на патот, прекинат е сообраќајот на патниот правец ГП Mеџитлија-Битола.
Сообраќајот на патот Битола-Меџитлија во 18:50 часот е нормализиран.