Македонија

Пари за повисоки плати, пензии, капитални инвестиции – изгласан ребалансот на Буџетот

Собранието денеска го усвои Предлогот за ребаланс на Буџетот за 2025 година

Собранието денеска го усвои Предлогот за ребаланс на Буџетот за 2025 година, што претставува одраз на одговорно и флексибилно управување со јавните финансии во услови на динамични економски предизвици.

Министерката за финансии, Гордана Димитриеска-Кочоска, изрази благодарност до пратениците за конструктивната расправа, која уште еднаш покажа дека сите работиме во интерес на граѓаните и стабилноста на економијата.

„Ребалансот не е само техничка корекција, туку резултат на анализа на тековните економски движења и прилагодување на приоритетите“ кажа министерката.

Со усвојувањето на ребалансот се овозможува реалокација на средства меѓу буџетските корисници во согласност со актуелните приоритети, како и дополнително финансирање на проекти кои имаат забрзана динамика на реализација и носат значајни придобивки за развојот на земјата. Во оваа насока, се обезбедени дополнителни средства за области како што се животната средина, енергетиката, културата, образованието и здравството, со посебен акцент на набавка на инсулин и медицинска опрема.

Исто така, преку ребалансот се обезбедени и средства за зголемување на платите за вработените во Министерството за внатрешни работи, како и средства за исплата на зголемените пензии преку Фондот за ПИОМ. Министерката истакна дека економската проекција за раст останува на 3,7%, што се темели на досегашните остварувања и се очекува да биде поддржана од инвестициите, кои се главен двигател на економијата.

Ребалансот исто така ја потврдува заложбата за стабилност на домашната економија преку поддршка на домашните компании преку евтини кредити, реализација на општински инфраструктурни проекти, како и имплементација на инвестициски циклуси и проекти со стратешките партнери, како на билатерално, така и на мултилатерално ниво.

Во состав на ребалансот, предвидени се дополнителни 800 милиони денари за зголемување на плати, 2,5 милијарди денари за исплата на зголемени пензии, нови 300 милиони денари за капитални проекти. Исто така, се вклучени и амандманите усвоени во Комисијата за финансирање и буџет, со кои се обезбедуваат дополнителни средства за инфраструктурни проекти, социјални надоместоци и образовни програми.

Станува збор за дополнителни 6 милиони денари за проектна документација за нова сообраќајница во општина Куманово во Буџетот на Министерството за транспорт, дополнителни 50 милиони денари за исплата на социјални надоместоци во буџетот на Министерството за социјална политика, демографија и млади, како и 5 милиони денари за Универзитетот „Гоце Делчев“ во Буџетот на Министерството за образование и наука.

„Секоја ставка во овој ребаланс е заснована на реална потреба и на анализа на ефектите. Тоа не се трошоци, туку инвестиции во општествена стабилност, човечки капитал и инфраструктура,“ рече Димитриеска-Кочоска.

Министерката посочи и дека инфлацијата и ценовните притисоци се сериозен предизвик, но дека државата одговорила со јасни и навремени мерки.

„Во услови на инфлаторен удар, не заостанавме со ниту една обврска кон граѓаните. Пензиите, платите и социјалните трансфери се исплаќаат навремено. Тоа е одговорност, не популизам“, подвлече таа.

Во однос на обвинувањата за „предизборен подкуп“, министерката истакна дека ребалансот е дел од редовна фискална постапка која одговара на реалната економска слика.

Најнови вести од: Македонија

Дали скапата храна во рестораните дополнително ја подгрева инфлацијата?!

За инфлацијата, која во јули, според официјалната статистика, е зголемена за 4,8 отсто споредено со јуни минатата година, премиерот на 11 август рече дека „услугите засега се најголемиот генератор“ на зголеменото ниво.

Лицата со ниски примања можат да аплицираат за набавка на инвертери

Правото на инвертер клима-уред не може да го остварат домаќинства кои во изминатите 5 години користеле субвенција за набавка на клима-уред или печка на пелети, како и оние кои имаат приклучок на систем за централно греење.

Мицкоски: Ќе има одговорност за секој што ќе се огреши пред законот без разлика од која политичка партија доаѓа

Секој оној којшто ќе се огреши пред законот и нема да работи совесно ќе има одговорност, без разлика од која политичка партија, доаѓа дали е тоа од ВМРО-ДПМНЕ, дали е тоа од коалицијата ВРЕДИ од политичката партија ЗНАМ или некој којшто во минатото несовесно работел за што се констатирани големи криминали, изјави денеска премиерот Христијан […]

УНИБанка АД Скопје ќе изврши четврта емисија на перпетуални обврзници – Инвеститорите добиваат добра опција за вложување!

УНИБанка АД Скопјe ќе изврши четврта емисија на перпетуални обврзници по пат на приватна понуда, по добиеното одобрување од Комисијата за хартии од вредност на Република Македонија.  Ќе бидат издадени 5.000 перпетуални обврзници со по единечнано минална вредност од 1.000 евра и вкупна номинална вредност од 5.000.000 евра.  Обврзниците ќе имаат фиксна каматна стапка 6% […]

Мицкоски: Рекордни средства од Буџетот се издвојуваат за здравството, целосно е реновирано болничкото одделение на Клиниката за урологија

Премиерот Христијан Мицкоски  присуствуваше на пуштање во употреба на целосно реконструираното болничко одделение на ЈЗУ Универзитетската клиника за урологија при Клинички центар Мајка Тереза во Скопје. -Она коешто успеавме да го видиме и тоа што го направиле тука директорот заедно со соработниците, е навистина нешто коешто нѐ доближува чекор поблиску до европското здравство, односно условите […]

Мицкоски: 720 милиони денари за 36 спортски објекти

Премиерот Христијан Мицкоски одговарајќи на новинарско прашање што се планира во делот на спортската инфраструктура нагласи дека 720 милиони денари се одвоени за 36 спортски објекти. Во моментот мислам дека само во вториот повик кој што го објави Министерството за локална самоуправа имаме повеќе од половина милијарда денари одвоено за инвестирање во спортска инфраструктура во […]

To top