Македонија

Петрушевски: СДС го партизираше правосудниот систем, неопходни се реформи

Во вчерашната емисија „24 Анализа“ гостуваше пратеникот од редовите на ВМРО-ДПМНЕ, Бране Петрушевски, кој упати остри критики за состојбата во македонското правосудство, истакнувајќи дека судството со години се соочува со негативни оценки и не е на ниво на задача.

2 минути за читање

Во вчерашната емисија „24 Анализа“ гостуваше пратеникот од редовите на ВМРО-ДПМНЕ, Бране Петрушевски, кој упати остри критики за состојбата во македонското правосудство, истакнувајќи дека судството со години се соочува со негативни оценки и не е на ниво на задача.

„Генерално во Република Македонија правосудството во континуитет добива негативни критики од сите извештаи и факт е дека правосудството не е на ниво на задача на која што треба да биде и затоа имавме серија на обиди најпрвин да апострофираме да сфатат самите, оние мал дел од судиите и обвинителите коишто се заробени од страна на опозицијата, дека мора да се реформираат и дека мора да испорачаат правда за граѓаните“, вели Петрушевски.

Пратеникот Петрушевски посочи дека за време на владеењето на СДС наместо реформи, правосудниот систем бил дополнително партизиран и како показател за нефункционалноста го наведе неработењето на Судскиот совет.

„Низата постапки кои беа направени изминатиот период кога СДС беше на власт наместо да придонесат кон реформа на правосудниот систем тие дополнително го заглавија и партизираа преку свои влијанија, луѓето коишто го доведоа правосудството во ваква ситуација не може да очекуваме дека истите можат да го подобрат. При ваква состојба на судството, при вакви пресуди кои што ги имаме со ваква доверба од 2%, Судскиот совет изминативе неколку години не разрешил ниту еден судија“, вели Петрушевски.

Петрушевски оцени дека неопходни се сериозни реформи, со цел воспоставување независен и професионален правосуден систем.

„Во делот на финансиска независност на правосудниот систем веќе имаше изјави од премиерот дека до крајот на оваа година ќе бидат донесени законите коишто значат одредување на процент од буџетот коишто ќе одат за судскиот и јавно обвинителскиот систем , тие со тие пари ќе располагаат комплетно и за плати и за вработувања и за техничко функционирање, ќе бидат независни.
Поголеми реформи кои ни се потребни во правосудниот систем се кадровските реформи, ни требаат нови луѓе коишто ќе ја променат сликата на правосудниот систем“, рече Петрушевски.

Поврзани теми:

актуелно|ВМРО-ДПМНЕ|Судски совет|СДС|Бране Петрушевски|реформи

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top