Македонија

По полноќ, за три денари поевтин дизел

Малопродажната цена на ЕУРОДИЗЕЛ (Д-Е V) ќе изнесува 97,00 денари за литар, а цената на бензините паѓа за 1,5 денари

Според новата одлука на Регулаторна, дизелот и екстра лесното масло за домаќинство бележат најголем пад и поевтинуваат за три денари по литар, додека бензините од ноќеска ќе се точат по цена пониска за 1,50 денари.

Со најновата одлука, малопродажната цена на ЕУРОДИЗЕЛ (Д-Е V) паѓа за 3,00 денари по литар во однос на цените утврдени на 28 септември. Со тоа, литар дизел на бензинските пумпи ќе се продава по цена од 97,00 денари.

За три денари се намалува и малопродажната цена на Екстра лесното масло за домаќинство (ЕЛ-1), чија нова вредност ќе изнесува 108,50 денари за литар.

Цените на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 денари по литар. Литар 95-октанец во следниот период ќе чини 98,50 денари, додека малопродажната цена на ЕУРОСУПЕР БС-98 ќе изнесува 100,50 денари за литар.

Корекцијата на малопродажните цени се темели на пресметките од падот на референтните цени на нафтените деривати на светскиот пазар, како и на законските даночни олеснувања.

Во пресметката е применет намален износ на акцизата од 4,00 денари за литар кај бензините и кај дизелот, согласно членот 92, став 11 од Законот за акцизи.

Во одлуката дополнително е пресметана и повластената стапка на ДДВ за ЕУРОДИЗЕЛ од 10 отсто, утврдена со владината одлука објавена во Службен весник бр. 228/26, што овозможи поголемо намалување на крајната цена за возачите на дизел возила.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

To top