Македонија

Почина Костадинка Палазова

Ќе биде запаметена како вечен чувар на егејските песни

Почина Костадинка Палазова Ѓорѓиоска, доајенот на македонската изворна песна. Палазова починала по кратко боледување во Гостивар каде што живееше долги години, објави нејзиното семејство на Фејсбук.

Пејачката позната како чувар на безвремените егејски песни како „Сношти отидех џанам“ ја почнала кариерата во во емисијата „Вие пред микрофон“, со изведбата на песната „Врни се, врни, либе Мариче“, со која победила.

Од 1960-тите години активно настапувала и снимала песни.

Палазова е родена во кукушкото село Сехово во 1939 година. Од родното Сехово пребегала во Гевгелија, а потоа била однесена во Гаково, Војводина, каде што завршила трето одделение. По сопствена желба, се вратила во Вардарска Македонија и се населила во селото Зубовце, во Гостиварско.

Позната е и по бројните песните за Гоце Делчев, војводата од кукушкиот крај.  Зад себе остави 40-тина песни, меѓу кои и авторски дела како „Филка мома моле бога“.

Палазова настапувала рамо до рамо со Васка Илиева, Есма Реџепова и Кочо Петровски, сите доајени на македонскиот музички фолклор. Ја добила наградата за животно дело на фестивалот „Роса“ по повод 50 години музичко творештво.

Во 2016 година, во Гостивар, во нејзина чест беше организиран голем велигденски концерт, како признание за нејзиниот придонес кон македонската културна ризница.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top