Почна проверка на сите производители на медицински канабис

Министерот Азир Алиу денеска изјави дека ќе бидат проверени вкупно 43 лиценци

12. февруари 2026. — 12:29 2 минути за читање

Министерството за здравство започна вонредни контроли на сите компании што произведуваат медицински канабис во земјава. Министерот Азир Алиу денеска изјави дека ќе бидат проверени вкупно 43 лиценци, а контролите се спроведуваат во соработка со Министерството за внатрешни работи.

– Контролите почнуваат од денеска. Колегите веќе се на терен. Ќе се проверуваат сите 43 лиценци за производство на медицински канабис – рече Алиу на прес-конференција.

Тој информираше дека Владата донела одлука за именување нов состав на Меѓуресорската комисија, тело кое постои од 2017 година.

Според министерот, иако комисијата била формирана пред речиси девет години, не бил пронајден ниту еден извештај за нејзината работа.

Во моментов функционираат две комисии поврзани со оваа област. Едната, формирана од Министерството за здравство, брои пет члена и е задолжена за административните процедури и за издавање согласности за лиценци. Втората е меѓуресорска комисија со пошироки надлежности, која треба да ги следи и анализира политиките поврзани со производството на канабис за медицински цели.

Алиу најави дека се анализираат и постојните правилници. Доколку се утврдат слабости, ќе бидат предложени измени.

Министерот побарал и законски измени со кои во вакви ситуации би можел да формира дополнителни комисии што ќе вршат контрола и ќе поднесуваат извештаи.

– Кога се носи закон, мора да се обезбеди и инфраструктура за негова примена – рече Алиу.

Засега од Министерството не прецизираат дали контролите се резултат на конкретни сомнежи или се дел од редовен надзор.

Поврзани теми:

актуелно|марихуана|шверц со марихуана за „црн пазар“|медицински канабис

Најнови вести од: Македонија

Скопје добива институт „Сервантес“ во Скопје, Сиљановска-Давкова доби марама инспирирана од романот „Дон Кихот“

Од шпанскиот гостин претседателката добила марама со илустрации од историското издание на романот на Сервантес, се наведува во соопштението

пред 4 мин.

Ѓорге Иванов: Дијалогот е единствен пат кон мир и стабилност

Во периодот од 22 до 24 јуни во Скопје се одржа меѓународната конференција „Дијалог за единство и мир 2026“, организирана од Кабинетот на поранешниот претседател на Република Македонија, д-р Ѓорге Иванов, во соработка со Меѓународниот центар Алијанса на цивилизациите и Асоцијацијата на алумнисти на Школата за млади лидери.

пред 1 час

Кандидатите за „листа на изгорени“ на Тошковски со отворена провокација преку рил (ВИДЕО)

Засега од Министерството за внатрешни работи нема официјална реакција на најновата провокација од профилот „Улични Тероризери“.

пред 2 часа

Ахмети: Непријателите на албанската нација создаваат несигурност

„Некој може да стане и да каже: Али Ахмети го брани Еди Рама. Не, Али Ахмети ја брани Албанија, а Албанија страда, вели Ахмети според кој зад пртотестите стои – Грција

пред 3 часа

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

пред 12 часа

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

пред 13 часа

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

пред 13 часа

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

пред 14 часа

Сите вести од Македонија