Македонија

Полицијата уапси 6 лица на автопатот Тетово – Гостивар, им се заканува затвор

Максималната казна за ова кривично дело е до 3 години затвор

2 минути за читање

Полицијата лишила од слобода шест возачи на патот Тетово- Гостивар поради пребрзо возење.

На 21.09.2025 на патот Тетово- Гостивар полициските службеници од СВР Тетово лишиле од слобода шест лица поради пребрзо возење на патот каде максимална дозволена брзина е 80 километри на час.

Во 15:25 часот кај клучка Камењане ја лишија од слобода Е.А.(29) од Тетово, која управувала патничко возило ,,голф“ со тетовски регистерски ознаки со брзина од 158 километри на час, а во 16:40 часот го лишија од слобода С.М.(30) од Гостивар, кој управувал патничко возило ,,пасат“ со тетовски регистерски ознаки со брзина од 152 километри на час.

Истиот ден во 14:25 часот кај наплатната станица Гостивар од слобода е лишен Н.Ј.(58) од с.Неготино, кој управувал патничко возило ,,ауди“ со гостиварски регистерски ознаки со брзина од 158 километри на час, во 14:30 часот од слобода е лишен Ќ.М.(66) од с.Дебреше кој управувал патничко возило ,,фолксваген кади“ со швајцарски национални ознаки со брзина 167 километри на час, во 15:40 часот од слобода е лишен Н.Б.(30) од с.Синичане, тетовско, кој управувал патничко возило ,,мерцедес“ со тетовски регистерски ознаки со брзина од 151 километри на час, а во 17:00 часот од слобода е лишен Г.Н.(50) од Битола, кој управувал патничко возило ,,пасат“ со битолски регистерски ознаки со брзина од 152 километри на час. Тие биле задржани во полициска станица и по документирање на случаите, против нив ќе следуваат соодветни поднесоци согласно член 297-а од КЗ ,,безобѕирно управување со моторно возило“.

Поврзани теми:

zatvor|уапсени|топ|полиција

Повеќе на оваа тема:

Најнови вести од: Македонија

Мицкоски: Ако не се свртиме кон семејните вредности и многудетните семејства економијата ќе биде на удар

Ако не се свртиме кон семејните вредности и кон многудетните семејства и ако тие вредности не ги промовираме, македонската економија ќе биде прва која што ќе биде на удар, истакна денеска премиерот Христијан Мицкоски, коментирајќи ја изјавата на вицепремиерот и министер за транспорт, Александар Николоски дека до 2030 година годишно ни се потребни 50.000 странски работници, за да го држиме нивото на БДП што го имаме сега.

ОКТА продолжува со попуст од два денари по литар дизел гориво

Како одговор на најновите случувања на меѓународните пазари на горива, ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 г.

(Фото): Работна средба за инфраструктурните приоритети на Карпош

Градоначалникот на Општина Карпош, Сотир Лукровски, се сретна со ресорниот министер за транспорт, Александар Николоски, каде беа разгледани тековните инфраструктурни проекти и можностите за нови инвестиции во интерес на граѓаните.

Мицкоски: Усниот дел од правосудниот испит треба да се полага единствено на македонски јазик

Писмениот дел од правосудниот испит да се полага на јазикот на кој е завршено високото образование, а усниот на македонски јазик. Ова е ставот на македонската Влада, кој денеска го соопшти премиерот Христијан Мицкоски, по вчерашното одбивање на ваквиот предлог од студентите Албанци, на средбата со министерот за правда, Јетон Шасивари.

Клековски: Со бугарската министерка се согласивме дека случајот со Ива е правно, а не здравствено прашање

Македонскиот министер за здравство Сашо Клековски изјави дека за време на средбата со бугарската министерка за здравство во Софија била постигната премолчена согласност дека случајот со Ива Михаилова не е прашање од областа на здравството, туку од надлежност на правосудните институции.

Се разгледуваат две локации за новиот Клинички центар во Скопје – вложувања во здравствени објекти во Штип, Тетово и Кичево

Две локации во близина на болницата „8 Септември“ се разгледуваат за изградба на новиот клинички центар во Скопје, а преговорите за изборот на парцелата треба да завршат до крајот на годинава, најави премиерот Христијан Мицкоски. Истовремено, Владата подготвува инвестиции во три здравствени објекти во Штип, Тетово и Кичево, при што реализацијата на првиот проект би можела да започне во летото 2027 година.
Сите вести од Македонија

Најнови вести

To top