Попладнево во Скопје полициски службеници го отстраниле од сообраќај возилото „Мерцедес“ управувано од Ниневски Н., поранешен припадник на Шестата управа во МВР.
Возилото било регистрирано на име на компанијата на Александар Митовски, главен уредник на порталот Инфомакс.мк.
По пензионрањето, обезбедувачот работел за градоначалничката на Скопје, Данела Арсовска, а бил во блиски семејни односи со сопственикот на Инфомакс.
Кај возачот била пронајдена рамка од пиштол, по што тој е приведен во полициската станица Беко, каде што до доцна вечерва давал исказ.
Според информациите од извори во полицијата, Ниневски Н. е поранешен припадник на Шестата управа при МВР, кој бил дел од обезбедувањето на поранешниот американски амбасадор Џес Бејли. По пензионрањето, работел како обезбедување за градоначалничката на Скопје Данела Арсовска, а е во блиски семејни односи со сопственикот на Инфомакс.
Настанот се случил на денот кога се одржа рочиште за случајот со насилен упад во редакцијата на Инфомакс за време на подкаст во живо.
„Денес имавме рочиште за напаѓачот врз „Инфомакс“, бевме сите таму, истиот беше осуден. Тенденцијата против нас е јасна, друго немам што да искоментирам“ – изјави Митовски за Радио Лидер.
Судот оцени дека со инцидентот била загрозена безбедноста на новинарите и правото на јавноста да биде информирана, но изрече условна казна поради здравствената состојба на обвинетиот.