Срндакот што вчера настрада на патот Кичево – Демир Хисар, денеска им подлегна на повредите од ударот од возило и покрај сите обиди на тимот ветеринари од Битола да му го спасат животот.
„Со огромна тага и жал ве информираме дека денес срндакот Мартин подлегна на повредите и не напушти… Доцна попладнево, по влошување на здравствената состојба и повредите во абдоменот, веднаш беше пренесен во хируршка сала, кадешто ветеринарниот тим веднаш пристапи кон животоспасувачка мисија, но поради тешките повреди и крварење во абдоменот како резултат од ударот, по долгата реанимација и борба да го вратат во живот и стабилизираат, лекар од тимот прогласи смрт…
Ова е тешка болка, која активистите ја доживуваат секојдневно со мачиња и кучиња, Мартин стана познат срнак за кој многу од вас упатија поддршка, помош и убави зборови, ви благодариме од срце на сите кои што го следевте случајот и кои сакавте да помогнете, но за жал не успеавме“, објави на Фејсбук битолското друштво за заштита на животните „Анимал војс“.