Претседателот на Владата на Република Македонија Христијан Мицкоски ќе изврши денес увид во градежните активности на обиколницата „Крива Паланка“ на државниот пат А2. Рехабилитацијата, односно поправката на оваа делница на државниот пат А 2, започна на 11 август 2025 година и ја изведува градежното претпријатие „Гранит“ од Скопје. Како што веќе соопшти ГП „Гранит“, поради овие градежни активности е воведен привремен режим на сообраќај на оваа обиколница во периодот од шест месеци, односно заклучно со јануари 2026 година.
Според прес-службата на Владата на Република Македонија, предвидено е премиерот Мицкоски да даде изјава за медиумите по извршувањето на увидот во градежните работи.